Björgunarsveitin Heimamenn selur neyðarkallinn

Félagar úr Björgunarsveitininni Heimamenn hafa síðustu daga staðið fyrir árlegri fjáröflun með sölu neyðarkallsins og hefur verið vel tekið af íbúum Reykhólahrepps. Reykhólahreppur styrkti eins og áður starf björgunarsveitanna með kaupum á neyðarkalli ársins og starfsfólk skrifstofu Reykhólahrepps þau Lovísa Ósk Jóndóttir og Þórólfur Sigurðsson tóku á móti neyðarkallinum frá Tindi Ólafi Guðmundssyni, formanni björgunarsveitarinnar.

Reykhólahreppur vill nýta tækifærið og þakka björgunarsveitinni Heimamönnum og Landsbjörgu fyrir að standa vaktina fyrir okkur í öllum aðstæðum.