Matráður óskast við Reykhólaskóla
Matráður óskast við Reykhólaskóla
Laust er til umsóknar starf matráðs við Reykhólaskóla, sameinaðs grunn- og leikskóla á Reykhólum.
Um er að ræða 100% starf frá og með 1. maí 2026
Það kemur til greina að ráða inn afleysingu í maí og júní 2026
Helstu verkefni og ábyrgð
- Yfirumsjón með eldhúsi
- Útbúa morgunmat, millimál, hádegisverð og kaffitíma þar sem áhersla er lögð á fjölbreytni og hollustu.
- Skipulag og umsjón með þrifum á mötuneyti og matsal.
- Innkaup á matvöru og annarri rekstrarvöru fyrir mötuneytið.
- Skipulag á matseðlum, allt að mánuð fram í tímann.
Menntunar- og hæfniskröfur
- Haldbær menntun og reynsla á sviði matargerðar.
- Góð hæfni í mannlegum samskiptum og rík þjónustulund
- Góð skipulagshæfni
- Metnaður og áhugi á matargerð
- Góð íslenskukunnátta æskileg.
- Menntun í matargerð er kostur
- Reynsla af starfi í matargerð er kostur
- Jákvæðni, drifkraftur og sjálfstæði í störfum
Laun og starfskjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélags.
Starfsfólk sem flytur til Reykhólahrepps í fast starf hjá sveitarfélaginu fær flutningsstyrk.
Nánari upplýsingar um starfið veitir skólastjóri á netfanginu skolastjori@reykholar.is eða í síma 434-7731.
Umsóknarfrestur er til og með 26. apríl 2026.
Reykhólahreppur er á Vestfjörðum en á mörkum Vesturlands í tæplega klukkustundaakstri frá Hólmavik og Búðardal. Í Reykhólahreppi búa um 250 manns. Þar er gott skóla- og tómstundastarf. Reykhólaskóli er samrekinn grunn- og leikskóli með um 50 nemendur.