Skákfélagið Hrókurinn gaf Reykhólaskóla 10 taflborð og taflmenn þegar minningarmót Birnu Norðdal var haldið 22. ágúst á Reykhólum. 

Reykhólaskóli ásamt fleirum hefur ákveðið að leggja sitt að mörkum til þess að efla skákáhuga nemenda í Reykhólaskóla og bjóða upp á kennslu.

Inda og Dalli ætla að taka að sér að kenna og þjálfa nemendur í skák á þriðjudögum frá kl. 14:00 - 15:00 fyrir nemendur fædda 2010 - 2006 og frá 15:00 fyrir nemendur fædda 2005 - 2001.

Áhugamenn í skák eru einnig velkomnir.