Nemendur í 3. og 4. bekk hafa að undanförnu verið að semja ljóð í skólanum og ætla að taka þátt í ljóðasamkeppni meðal vestfirskra grunnskólanema í tengslum við Bókahátíðina á Flateyri sem haldin verður 20. – 22. mars. Ekkert ákveðið þema er í keppninni og mega þessi ungu skáld yrkja um hvað sem andinn blæs þeim í brjóst. Dómnefnd mun svo velja þrjú bestu ljóðin sem send verða inn og fá höfundar þeirra afhent vegleg verðlaun á Bókahátíðinni. Einnig er stefnt að því að gefa út litla ljóðabók með ljóðum úr samkeppninni.