í Reykhólaskóla er mikill áhugi fyrir Eurovision. í kvöld keppa Pollapönk fyrir Íslands hönd og af því tilefni ákváðum við að taka forskot á sæluna og hlusta á öll lögin sem keppa í kvöld og meta hvort að þau komist áfram. Eflaust finnst sumum að þetta eigi ekki að vera hluti af skólastarfinu en við erum hjartanlega ósammála. Í Eurovision er hægt að hlusta á margbreytilegan tónlistarstíl. Hægt er að læra landafræði með því að kynna sér hvar löndin eru í Evrópu. Læra fánana í Evrópulöndunum og sjá allskonar fólk. Fyrir utan hvað Eurovision getur verið skemmtilegt. 

Nemendur greiddu atkvæði eftir hvert lag og er þetta niðurstaða Reykhólaskóla hvaða lög komast áfram:

Armenía

Lettland

Eistland

Svíþjóð

Ísland

Rússland

Úkranía

Portúgal

Svartfjallaland 

Ungverjaland.

Að þeirra mati var Ungverjaland með besta lagið.

Svo er bara að sjá í kvöld hvort að við höfum haft rétt fyrir okkur!