Reykhólaskóli hefur tekið að sér að annast Héraðs-bókasafn Reykhólahrepps, sem er í eigu sveitarfélagsins. Harpa Eiríksdóttir hefur verið bókavörður undanfarin ár en vegna brottflutnings hennar hefur Herdís Erna Matthíasdóttir tekið við umsjón með safninu og útlánum á bókum. Harpa sem er öllum hnútum kunnug varðandi innkaup og annað verður Herdísi innan handar.

Safnið hefur á undanförnum árum verið til húsa í skólanum og verður það áfram á sama stað. Bókasafn skólans og Héraðsbókasafnið eru eftir sem áður aðskilin.

Héraðsbókasafn Reykhólahrepps er opið þrisvar í viku sem hér segir:

Mánudaga kl. 15-17

Þriðjudaga kl. 9.10-9.50

Miðvikudaga kl. 10-10.40

Fólk er alveg jafnt velkomið á safnið þó að tvo af þessum þremur dögum sé það opið á skólatíma.