Tenglar

Nú er komið að því að velja íbúa ársins. Ef þið viljið tilnefna íbúa ársins þá er tekið við tilnefningum til 10. ágúst.

 

Kíkið í kringum ykkur og takið eftir öllu þessu frábæra sem fólkið í sveitarfélaginu hefur verið að taka sér fyrir hendur, hvort sem það er í atvinnustarfsemi, góðgerðarstarfi eða bara almennilegheit í garð samborgaranna.

 

Senda má tilnefningar á netfangið: johanna@reykholar.is

1 af 3

Löndunarkrani Þörungaverksmiðjunnar, sem lokaðist inni þegar bryggjan gaf sig í fyrrinótt, náðist heilu og höldnu seint í nótt eða morgun.

Verktakar voru fram eftir nóttu að fylla í skarðið í bryggjuni svo hann næðist.

Grettir, þangflutningaskip Þörungaverksmiðjunnar fór í morgun að sækja farm og ekki verður miklum vandkvæðum bundið að ná honum á land, þó svigrúmið til að athafna sig við löndunina sé mun minna en vant er.

 

27. júlí 2022

Stórtjón á höfninni

mynd IBE
mynd IBE
1 af 3

Í morgun hrundi niður stór hluti bryggjunnar á Reykhólum. Það hefur legið fyrir um all langt skeið að bryggjan er komin á tíma, en hún er síðan 1974.

 

Undanfarið hefur verið unnið að undirbúningi endurnýjunar stálþilsins og stækkunar bryggjunnar um leið. Það hefur falist í að dýpka og jafna botninn umhverfis bryggjuna og ef til vill hefur hún ekki þolað það.

 

Í viðtali við mbl.is segir Ingibjörg Birna Erlingsdóttir sveitarstjóri m.a. að ekki sé endi­lega um mis­tök að ræða og tek­ur fram að höfn­in sé kom­in til ára sinna.

 

Hún bætir við að um mjög mikið tjón sé að ræða og bend­ir á að Þör­unga­verk­smiðjan sé að landa þarna á höfn­inni á hverj­um degi. Óljóst er hvort hún muni getað haldið áfram rekstri í bráð eða hvort að töf verði á fram­leiðslu hjá verk­smiðjunni.

Hún tek­ur þó fram að Vega­gerðin sé strax búin að taka mál­in í sín­ar hend­ur og ætli að tryggja að starf­semi geti haldið áfram á höfn­inni sem allra fyrst.

„Það eru að koma vinnu­tæki í há­deg­inu og fjöldi verk­taka frá Vega­gerðinni og þau ætla að gera við höfn­ina“, segir hún.

 

 

 

18. júlí 2022

Sumarlokun hreppsskrifstofu

Sumarlokun skrifstofu Reykhólahrepps er 18. til 29. júlí.

Skrifstofan verður opin næst þriðjudaginn 2. ágúst.

Vegna brýnna erinda má hringja í sveitarstjóra í síma 896 3629.

Þörungamiðstöð Íslands á Reykhólum hlaut þriðja hæsta styrk sem var úthlutað úr Lóu - nýsköpunarstyrkjum fyrir landsbyggðina að þessu sinni. 

Nánar um úthlutunina á vef Stjórnarráðsins

Ólafsdalshátíðin verður haldin laugardaginn 16. júlí.

Allir Reykhólasveitungar eru hvattir til að mæta, ekki síst sveitarstjórn og fjölskyldur.

Dagskrá er í meðfylgjandi auglýsingu.

8. júlí 2022

Bátadagar 2022

Vegna veðurútlits hefur verið ákveðið að fresta Bátadögum 2022 til 16. júlí.

Hlökkum til að sjá sem flesta báta og áhafnir þeirra taka þátt þá.

mynd, Dagrún Ósk Jónsdóttir
mynd, Dagrún Ósk Jónsdóttir
1 af 2

Náttúrubarnahátíð á Ströndum verður á Sauðfjársetrinu í Sævangi næstu helgi, 8.-10. júlí. Á hátíðinni er fjölbreytt dagskrá fyrir náttúrubörn á öllum aldri en þar er til dæmis að finna tónlist, töfrasýningu, sirkús, náttúrusmiðjur, fjöruferðir, draugasögur, jóga auk þess sem hægt verður að fara á hestbak, skjóta af boga og margt fleira.

Hægt verður að kaupa veitingar í Sævangi alla helgina og tilboð verða á Kaffi Kind.

Frítt er á öll atriði hátíðarinnar en hún er styrkt af Uppbyggingarsjóði Vestfjarða.


Dagskrá Náttúrubarnahátíðar 2022

 

Föstudagur 8. júlí

17:00 Fjölskyldu gönguferð í fjörunni
18:30 Setning hátíðarinnar og veðurgaldur
18:30 Hægt að kaupa súpu og grillaðar pylsur (grænmetis og ekki) í Sævangi
19:00 Frábær töfrasýning með Lalla töframanni
20:00 Spennandi Náttúrubarnakviss

 

Laugardagur 9. júlí

12:30 Sirkús Ananas
13:00 Náttúrufjör: Bogfimi, hestar, eldsmiðja, kajakar, opið hús í tilraunastofunni, skrifað með fjöðrum, náttúrubingó, grillaðar pylsur og fleira
14:30 Yrðlingasmiðja með Þykjó
16:00 Sagnatjaldið í Sævangi
16:30 Fuglafjör: Trítlað um teistuvarpið
17:30 Ísbjarnahræðugerð í Orrustutanga
18:00 Hægt að kaupa grillaðar pylsur og súpu
20:00 Fjölskyldu tónleikar með Svavari Knút
21:30 Drauga- og tröllasögur í Sagnahúsinu

 

Sunnudagur 10. júlí

11:30 Kiðlingajóga
12:30 Solla stirða og íþróttaálfurinn úr
Latabæ koma í heimsókn
13:30 Skemmtileg náttúrusmiðja með Arfistanum
15:30 Fjölskylduplokk

 

Það má hafa samband við Dagrúnu Ósk Jónsdóttur umsjónarkonu Náttúrubarnahátíðarinnar á Facebook, á netfanginu natturubarnaskoli@gmail.com eða í síma 661-2213.

 

Öll velkomin og við vonumst til að sjá sem flest!

Af strandir .is

 

Ingibjörg Birna Erlingsdóttir og Drífa Valdimarsdóttir, mynd af síðu Bríetar
Ingibjörg Birna Erlingsdóttir og Drífa Valdimarsdóttir, mynd af síðu Bríetar

Þann 1. júlí s.l. varð Reykhólahreppur nýr hluthafi í Leigufélaginu Bríeti ehf. með því að leggja tvær íbúðir í eigu sveitarfélagsins inn í Bríeti.

 

Drífa Valdimarsdóttir framkvæmdastjóri Leigufélagsins Bríetar ehf. og Ingibjörg Birna Erlingsdóttir, sveitarstjóri Reykhólahrepps undirrituðu samning um framsal 2ja íbúða Reykhólahrepps til Leigufélagsins Bríetar. Við það tækifæri áttu fulltrúar Bríetar fund með sveitarstjórn Reykhólahrepps.

Nánar á heimasíðu Bríetar.

Sveitarstjórn Reykhólahrepps samþykkti á fundi sínum þann 16. júní 2022 að auglýsa tillögu að Aðalskipulagi Reykhólahrepps 2021-2033, skv. 31. gr. skipulagslaga nr. 123/2010 og 15. gr. laga um umhverfismat framkvæmda og áætlana. Tillagan samanstendur af greinargerð, uppdráttum og umhverfismatskýrslu.

 

Tillagan verður til sýnis á skrifstofu Reykhólahrepps að Maríutröð 5a, Reykhólum og hjá Skipulagsstofnun frá og með 8. júlí 2022 til 26. ágúst 2022.

 

Tillagan er aðgengileg hér á heimasíðu Reykhólahrepps.

 

Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna. Frestur til að skila inn athugasemdum er til 26. ágúst 2022.

 

Athugasemdum skal vinsamlegast skila til skrifstofu Reykhólahrepps að Maríutröð 5a, Reykhólum eða á netfang embættis skipulagsfulltrúa sveitarfélagsins: skipulag@dalir.is fyrir 27. ágúst 2022.

 

Arwa Alfadhli, skipulagsfulltrúi Reykhólahrepps.

 

 

 

 

Atburðadagatal

« gst 2022 »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31