Tenglar

13. maí 2012 |

Vestfirska forlagið komið með rafbækur

Sitt af hverju tagi.
Sitt af hverju tagi.
1 af 3

Vestfirska forlagið, sem hefur í áratugi safnað saman og gefið út vestfirskt efni af nánast öllu tagi, hefur nú komið á fót rafbókadeild. Þar geta allir sem fylgjast með þessari vistvænu tækniþróun fengið eldri bækur forlagsins, segir í kynningu frá forlaginu. Þar á meðal verður helsta flaggskip forlagsins, ævisaga sr. Baldurs Vilhelmssonar í Vatnsfirði, sem Hlynur Þór Magnússon færði í letur. Auk þess eru meðal annars fjölmörg rit sem snerta fólk og viðburði í Austur-Barðastrandarsýslu fyrr og síðar.

 

Guðrún Steinþórsdóttir á Brekku í Dýrafirði er deildarstjóri hinnar nýju rafbókadeildar Vestfirska forlagsins. Stofnandi forlagsins og útgefandi alla tíð er Hallgrímur Sveinsson, sem í marga áratugi var forstöðumaður Safns Jóns Sigurðssonar á Hrafnseyri við Arnarfjörð og jafnframt lengi kennari og skólastjóri á Þingeyri við Dýrafjörð. Nina Ivanova annast tæknivinnu við rafbækur Vestfirska forlagsins, en hún hefur í nokkur ár séð um umbrot á mörgum útgáfubókum þess.

 

Vestfirska forlagið (lengi á Hrafnseyri við Arnarfjörð, nú á Brekku í Dýrafirði)

 

Skrifaðu athugasemd:


Atburðadagatal

« Jl 2022 »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31