Tenglar

21. febrúar 2014 | vefstjori@reykholar.is

Vegurinn um Múlasveit ári á undan áætlun

Frá þveruninni og brúargerð í Kjálkafirði 11. maí 2013. Sveinn Ragnarsson.
Frá þveruninni og brúargerð í Kjálkafirði 11. maí 2013. Sveinn Ragnarsson.
1 af 2

Suðurverk áætlar að leggja bundið slitlag á hluta af nýjum vegi í Kjálkafirði í Múlasveit í Reykhólahreppi í júní og taka alla 15 kílómetrana í notkun í september. Yrði það ári fyrr en reiknað var með í útboði Vegagerðarinnar. Þetta kemur fram í umfjöllun Helga Bjarnasonar í Morgunblaðinu í dag. „Við getum ekki kvartað þegar við getum unnið alla daga að vetri til við vegagerð,“ segir Guðmundur Ólafsson, verkefnisstjóri hjá Suðurverki, um framgang verksins.

 

Búið er að þvera Kjálkafjörð og byggja brú. Hún er byggð á þurru og er aðeins byrjað að grafa frá henni. Efnið verður notað í að loka lænunni sem haldið hefur verið opinni. Guðmundur segir að áherslan nú sé að grjótverja fyllinguna í Kjálkafirði. Þá sé unnið að almennri vegagerð frá Mjóafirði og yfir að brúnni yfir Kjálkafjörð.

 

Til að hægt sé að leggja bundið slitlag á veginn og opna hann fyrir umferð í haust þarf að vera hægt að byrja fljótlega á brúarsmíði í Mjóafirði. Sú brú er byggð í fyllingunni á sama hátt og sú fyrri. Vegna stöðugra norðaustanátta hefur það tafist að hægt væri að byrja á smíðinni. Þarf að vera sæmilegt veður á meðan stálþil er rekið niður í kringum væntanlegar undirstöður brúar. „Við höfum tímann fram í miðjan mars, svo við erum ekki farnir að hafa áhyggjur af því.“

 

Áformað er að leggja bundið slitlag á um tíu kílómetra kafla í Kjálkafirði í júní og opna hann í kjölfarið og í september á fimm kílómetrana sem þá verða eftir í Mjóafirði.

 

„Ég heyri það á verkstjóranum að heimamenn og þá sérstaklega flutningabílstjórar sem fara þarna um daglega bíði spenntir eftir þessum tíma, eins og öllum nýjum köflum,“ segir Guðmundur.

 

Morgunblaðið / Helgi Bjarnason 21. febrúar 2014.

 

Athugasemdir

Gunnar Guðmundsson, laugardagur 22 febrar kl: 10:59

Afar góðar frettir af lán hraðri framkvæmd

Skrifaðu athugasemd:


Atburðadagatal

« Ma 2022 »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31