Tenglar

29. janúar 2013 | vefstjori@reykholar.is

Torfundin rafmagnsbilun í Þörungaverksmiðjunni

Vegna endurbóta og breytinga í Þörungaverksmiðjunni var Gústi Jökull að saga niður steinvegg þar. Þá vildi ekki betur til en svo, að hann sagaði í sundur rafmagnsinntakið í verksmiðjuna og allt sló út. Hann hringdi í Guðmund á Grund til að tilkynna þetta, en Gummi sagðist ekkert mega vera að því að tala við hann vegna þess að það væri rafmagnslaust í Þörungaverksmiðjunni, sagðist ekkert vita af hverju það væri og skellti á.

 

Gústi gafst ekki upp og hringdi í Munda Jó sem var að vinna með Gumma, en Mundi sagðist ekki ná neinu sambandi við hann því að hann væri með síma á báðum eyrum að reyna að finna út hvað væri að rafmagninu niðri í verksmiðju.

 

Ofanritað er úr annálnum hefðbundna sem fluttur var á þorrablótinu á Reykhólum um helgina. Höfundur hans og flytjandi að þessu sinni (eins og stundum áður) var Sveinn Ragnarsson á Svarfhóli í Geiradal. Annálinn er að finna í heild undir Gamanmál af ýmsu tagi í valmyndinni hér vinstra megin. Þar eru ýmsir fleiri annálar misgamlir og annað gamankyns frá þorrablótum í Reykhólasveit. Elstur af því tagi er bragur frá 1946 eftir Játvarð Jökul á Miðjanesi.

 

Athugasemdir

Einar Örn Thorlacius fyrrv.sveitarstjóri Reykhólahrepps, mivikudagur 30 janar kl: 08:03

He,he. Bros allan hringinn! Maður hefði auðvitað átt að mæta á þorrablótið...

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31