Tenglar

11. janúar 2017 | Umsjón

Þórdís Kolbrún Reykfjörð Gylfadóttir ...

Þórdís Kolbrún. Mynd: Alþingi.
Þórdís Kolbrún. Mynd: Alþingi.

Eflaust vita margir um tengsl eins af nýju ráðherrunum við Reykhólahrepp. Síðan eru væntanlega ýmsir sem þekkja þau ekki: Þórdís Kolbrún Reykfjörð Gylfadóttir, ráðherra ferðamála, iðnaðar og nýsköpunar, er sonardóttir tveggja fyrrverandi sveitarstjóra í Reykhólahreppi, þeirra Guðmundar H. Ingólfssonar heitins og Jónu Valgerðar Kristjánsdóttur í Mýrartungu II í Reykhólasveit, sem líka var á sínum tíma oddviti Reykhólahrepps.

 

Þórdís Kolbrún er 29 ára, fædd 4. nóvember 1987, lögfræðingur að mennt. Sjá hér æviágrip hennar á vef Alþingis. Hún er annar tveggja ráðherra hérlendis sem hafa tekið við embætti fyrir þrítugt. Hinn ráðherrann er Eysteinn Jónsson, sem var 27 ára.

 

Jóna Valgerður Kristjánsdóttir í Mýrartungu II, amma Þórdísar Kolbrúnar, var þingmaður Vestfirðinga fyrir Kvennalistann á árunum 1991-1995. Þá voru þau Guðmundur H. Ingólfsson eiginmaður hennar ennþá búsett norður í Hnífsdal við Ísafjarðardjúp. Í veikindum Guðmundar annaðist Jóna Valgerður verkefni sveitarstjóra Reykhólahrepps og síðan var hún ráðin í starfið að honum látnum, auk þess sem hún var oddviti Reykhólahrepps.

 

Þess má geta, úr því að hér er farið af stað á annað borð, að Guðjón Arnar Kristjánsson, bróðir Jónu Valgerðar, var þingmaður Vestfirðinga og síðan Norðvesturkjördæmis fyrir Frjálslynda flokkinn á árunum 1999-2009 og formaður hans um árabil. Áður hafði Guðjón Arnar sjö sinnum tekið sæti á þingi sem varaþingmaður Sjálfstæðisflokksins á Vestfjörðum á árunum 1991-1995 og var þá samtíða systur sinni á þeim vinnustað.

 

 

Sjá einnig (já, fleiri hafa tengsl í Reykhólahrepp):

Forseti, borgarstjóri, biskup – og Sigmundur Davíð (Reykhólavefurinn 27. maí 2013)

 

Athugasemdir

Petur, mnudagur 16 janar kl: 09:41

Viðbót um tengingu Þórdísar í Reykhólasveitina;
Eiginmaður Þórdísar er Hjalti Sigvaldason Mogensen. Hjalti er sonur Kristínar Mogensen og Sigvalda Þorsteinssonar. Sigvaldi er sonur Þorsteins Þórarinssonar frá Reykhólum sem var einn Reyhólasystkyna og afkomandi Steinunnar Hjálmarsdóttur.

Skrifaðu athugasemd:


Atburðadagatal

« gst 2022 »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31