Tenglar

25. október 2013 | vefstjori@reykholar.is

Stærsta einstaka farminum skipað út frá Reykhólum

Þaramjöli skipað út í flutningaskipið Hauk. Nær er Grettir, flutningaskip Þörungaverksmiðjunnar.
Þaramjöli skipað út í flutningaskipið Hauk. Nær er Grettir, flutningaskip Þörungaverksmiðjunnar.

Á dögunum lagðist flutningaskipið Haukur að bryggju í Reykhólahöfn og lestaði 1.600 tonn af lausu þara- og þangmjöli sem dælt var úr sílóum Þörungaverksmiðjunnar og flutt til Noregs. Um ákveðin tímamót var að ræða í tvennum skilningi, segir í tilkynningu frá verksmiðjunni. Annars vegar var um að ræða stærsta einstaka farm sem skipað hefur verið út á vegum verksmiðjunnar og hins vegar komu undirverktakar í fyrsta sinn að útskipun fyrir fyrirtækið.

 

Um verkið sáu starfsmenn frá Skipaafgreiðslu Vestfjarða, sem er nýstofnað dótturfélag skipaafgreiðslunnar Kletts í Hafnarfirði. Starfsmenn Þörungaverksmiðjunnar voru þeim til aðstoðar þar sem þetta var í fyrsta sinn sem utanaðkomandi aðilar sáu um meðhöndlun afurðanna.

 

Stjórnendur Þörungaverksmiðjunnar og Kletts eiga nú í viðræðum um að starfsmenn Skipaafgreiðslu Vestfjarða taki að sér útskipun á afurðum verksmiðjunnar frá höfninni á Reykhólum. Náist samningar sjá starfsmenn hennar fram á að geta einbeitt sér alfarið að framleiðslu fyrirtækisins með því að útvista hafnarstörfunum til undirverktaka. Síðar kæmi hugsanlega einnig til greina að fela undirverktökum löndun á hráefni verksmiðjunnar, sem er þari og þang úr Breiðafirði.

 

Á vegum Þörungaverksmiðjunnar er einnig hafin vinna við að skoða möguleika þess að afla Gretti, flutningaskipi fyrirtækisins, frekari verkefna við Breiðafjörð og Vestfirði, segir í tilkynningunni.

 

Klettur í Hafnarfirði hefur mörg undanfarin ár sinnt hafnarstörfum við útskipanir og landanir fyrir viðskiptavini sína á Vestfjörðum, einkum Íslenska kalkþörungafélagið á Bíldudal auk Saltkaupa, en félagið á enn fremur í viðræðum við önnur fyrirtæki á Vestfjörðum. Með stofnun Skipaafgreiðslu Vestfjarða hyggst fyrirtækið festa sig betur í sessi sem þjónustuaðili á suðurfjörðum Vestfjarða og mun fyrirtækið á næstunni opna starfsstöð á svæðinu.

 

Athugasemdir

Guðjón D. Gunnarsson, fstudagur 25 oktber kl: 21:21

M.ö.o. er hafinn undirbúningur að flutningi starfa úr hreppnum. Svo var þetta væntanlega þangmjöl.

Sig.Torfi, laugardagur 26 oktber kl: 08:36

Ef ekki fæst vinnuafl á staðnum, verður einfaldlega að kaupa vinnu að, við þessa einstöku útskipun fengu allir starfsmenn auka vinnu sem það vildu, svo mikið er víst...

Gunsi, laugardagur 26 oktber kl: 10:33

Þá hjá Klett er það ekki?

Herdís Erna Matthíasd, laugardagur 26 oktber kl: 19:01

Furðuleg stefna hjá þessu fyrirtæki er alveg vissu að það sé hægt að fá fólk hér í þessu byggðalagi til að landa ef því væri boðið almenning laun ,allavega ef það fengi þau laun sem þessu mönnum væri boði

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31