Tenglar

3. febrúar 2014 | vefstjori@reykholar.is

Staðarandi Reykhóla - Greining og tillögur

Úr ritinu: Upplifunarsvæði á sviði sögu og menningar.
Úr ritinu: Upplifunarsvæði á sviði sögu og menningar.

Fyrsti ávöxtur þess hluta hins fjölsótta íbúaþings á Reykhólum fyrir tæpu ári sem snerist um skipulagningu Reykhóla og nágrennis og framtíðarþróun sem ferðamannastaðar hefur litið dagsins ljós. Það er þrjátíu síðna bæklingur með heitinu Staðarandi Reykhóla - Greining og tillögur, sem ráðgjafarstofan Alta hefur unnið á grundvelli þeirra hugmynda sem þar komu fram ásamt vettvangsskoðunum og annarri heimildavinnu. Sá hluti íbúaþingsins bar yfirskriftina Mótun framtíðarsýnar, skipulag og hönnun sjálfbærs áfangastaðar á Reykhólum og var skipulagður af Alta að beiðni Reykhólahrepps. Markmiðið var að safna saman upplýsingum og hugmyndum um upplifanir á Reykhólum sem nýta mætti í ferðaþjónustu.

 

Í inngangsorðum samantektarinnar segir meðal annars:

 

Tilgangurinn með þessu yfirliti er að draga fram auðlegð og sérstöðu svæðisins ásamt hugmyndum um það hvernig má styrkja hana til að skerpa ímynd Reykhóla út á við. Íbúar og fyrirtæki geta þá nýtt sér hana og áhugasamir fjárfestar geta betur glöggvað sig á kaupbætinum sem þeir fá. Ekki er tekin afstaða til einstakra verkefna eða hugmynda sem fram hafa komið en leitast við að færa sveitarstjórn grunn til að byggja á ákvarðanir um ráðstöfun lands og annarra gæða. Huga þarf að því að sérstaðan glatist ekki þótti hún sé nýtt á hóflegan hátt.

 

Bæklingurinn er ríkulega myndskreyttur og hefur að geyma mörg skýringarkort. Hann skiptist í fimm meginkafla, sem nefnast Saga og menning, Lífríki og landslag, Orkan, Ströndin og Ævintýri.

 

Hér má sjá bæklinginn

 

Varðandi íbúaþingið á Reykhólum:

12.03.2013 Fólkið í Reykhólahreppi blés sameiginlega í seglin

 

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31