Tenglar

6. júlí 2012 |

Sólin tók virkan þátt í afmælisveislu Reykhólahrepps

Veðrið lék við gestina í afmælisgrillveislunni sem sveitarstjórn efndi til á 25 ára Reykhólahrepps hins nýja í Hvanngarðabrekku á Reykhólum í fyrrakvöld. Brekkan veit móti vestri og enginn bilbugur var á sólinni þrátt fyrir einstaka eljusemi lengi undanfarið. Hitinn eitthvað um fimmtán stig og nánast logn. „Þetta er nú bara eins og maður er vanur hér á sumrin,“ sagði einn heimavanur þurrlega við ferðalang eins og ekkert væri sjálfsagðara.

 

Reykhólahreppur í núverandi mynd varð til við sameiningu Geiradalshrepps, Reykhólahrepps, Gufudalshrepps, Múlahrepps og Flateyjarhrepps 4. júlí 1987.

 

Myndirnar frá grillveislunni sem fylgja þessari frétt eru aðeins nokkur sýnishorn - margfalt fleiri er að finna undir Ljósmyndir > Myndasyrpur í valmyndinni hér vinstra megin. Myndasmiðirnir eru Ingibjörg Birna Erlingsdóttir og Sveinn Ragnarsson. Síðasta myndin í syrpunni er að vísu ekki frá fagnaðinum á Reykhólum - hana tók Sveinn um kvöldið þegar hann var kominn heim að Svarfhóli og sólin var að halla sér, lúin en glöð eftir gott starf á fögrum degi.

 

Athugasemdir

Guðrún og Fanni, laugardagur 07 jl kl: 09:28

Takk fyrir okkur. Þetta var yndislegt kvöld : )

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31