Tenglar

19. janúar 2015 |

Samflotssíða - hvað segir fólk um þetta?

Samflot (að vísu ekki á Svínadal í dag).
Samflot (að vísu ekki á Svínadal í dag).

Mig hefur lengi langað til að vita hvort Reykhólasíðan væri til í að setja upp samflotshnapp. Hér á ég við hvort þú viljir setja upp þjónustu fyrir þá sem vilja vita af og bjóða ferðir til handa þeim sem vilja vera í samfloti. Þetta gæti heitið Ferða-Flotið af því maður neitar því sjaldan. Mér finnst sjálfsagt að menn greiði hluta af fararkostnaði í svona tilfellum, kannski 2500 kall eða eitthvað slíkt ef ferðinni er heitið til Reykjavíkur. Og mér finnst líka í lagi að minna á að einhver sporsla sé við hæfi, þótt vitaskuld geti sumir afþakkað slíkt.

 

Þetta segir María Maack á Reykhólum í pósti til umsjónarmanns þessa vefjar. Síðan segir hún: 

  • Í vetur hafa almenningssamgöngur hingað verið fremur dræmar en ég frétti að fólk héðan er á ferð og flugi á öllum tímum í ýmsum erindagjörðum. Sumir eiga skyldmenni sem láta hvert annað vita ef skreppa á til Hólmavíkur eða suður til dæmis. Kannski munar ekki miklu að taka einn grannan með í leiðinni. Sá granni gæti skoðað skilaboð í Ferða-Flotinu um það hvort einhver geti boðið eða vilji þiggja far á næstunni. Þannig nýtist olían betur, meira öryggi er fólgið í því að ferðast fleiri en einn saman og fólk getur til dæmis tekið lagið í nokkrum röddum á leiðinni.
  • Nú vill þannig til að mig bráðvantar að komast suður til Reykjavíkur á miðvikudag síðdegis (eftir kl. 4) – hvernig gæti ég fundið út hvort einhver gæti hugsanlega verið á ferð þann daginn, gæti ég þurft að hliðra til kannski 1-2 klst. fram eða aftur...? Í það minnsta auglýsi ég hér með eftir að fá að vera í samfloti með einhverjum sem gæti átt leið til Reykjavíkur þann dag. – Það gæti einnig gengið ef lagt er af stað milli kl. 5 og 6 morguninn eftir.

 

Hvað finnst notendum Reykhólavefjarins um þessa hugmynd Maríu? Látið álit ykkar í ljós í athugasemdunum hér fyrir neðan, eða í tölvupósti til umsjónarmanns (vefstjori@reykholar.is), eða í sima 434 7735 / 892 2240.

 

Því má bæta við, að meðan búðarlaust er á Reykhólum er um nokkuð langan veg að fara að ná sér í mjólk og brauð eða bara eitthvað. Frá Reykhólum er ferðin í Kaupfélagið á Hólmavík um 116 km fram og til baka, yfir Þröskulda þar sem iðulega um þessar mundir er illviðri og ýmist ófærð eða flughálka, og ferðin í Samkaup í Búðardal er 150 km fram og til baka og um Svínadal að fara.

 

Líka gæti verið heppilegt ef greiðvikið fólk sem er að „skreppa“ í búð (á Hólmavík, í Búðardal, Borgarnesi eða Reykjavík) léti vita að kannski væri hægt að kippa einhverju með til baka. Einhverjum gæti þótt gott að vita af ferð í verslun í stað þess að fimmtán manns á jafnmörgum bílum séu á svipuðum tíma að „skjótast út í búð“ á annað hundrað kílómetra akstur eftir mjólk og brauði. Hver kannast ekki við að allt í einu er eitthvað smálegt sem vantar? Kaffi?

 

Ef einhverjar undirtektir fást við þessari hugmynd, þá er sjálfsagt að koma upp sérstakri síðu hér á vefnum fyrir samskipti af þessu tagi.

 

Varðandi það sem María sagði um flotið, sjá hér til upprifjunar.

 

Athugasemdir

Harpa, mnudagur 19 janar kl: 17:10

Líst vel á þetta :)

Jóhanna Fríða Dalkvist, mnudagur 19 janar kl: 21:29

Þetta er mjög sniðug hugmynd.

Árneshreppur á Ströndum er t.d. með facebook síðu sem er einmitt m.a. notuð í svona og ég hef t.d. nýtt mér hana í að koma pökkum til Hedda bróðurs.
Þetta væri líka tilvalin síða fyrir okkur sem erum að koma að sunnan og getum þá látið vita af okkur og tekið ýmist farþega eða pakka, jafnvel verslað eitthvað.

Hér er slóðin á Árneshreppssíðuna ef einhvern langar að skoða:
https://www.facebook.com/groups/612599942188164/?fref=ts

Dalli, rijudagur 20 janar kl: 12:23

Þetta er mjög nytsamt. Við búum svo vel, að tvær sölusíður ná til okkar, Sölusíða Hólmavíkur og nágrenni og Sölusíða Dalabyggðar og Reykhólahrepps. Þær eru báðar fullar af óskum um far fyrir fólk og pakka og stundum líka boð.

Skrifaðu athugasemd:


Atburðadagatal

« Ma 2022 »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31