Tenglar

9. mars 2014 | vefstjori@reykholar.is

Ráðuneytisstyrkur þriðja árið í röð

Hjalti Hafþórsson.
Hjalti Hafþórsson.

Hjalti Hafþórsson á Reykhólum hefur hlotið ráðuneytisstyrk þriðja árið í röð til bátasmíðaverkefnis síns Horfin verkþekking. Hér er um að ræða tveggja milljóna króna styrk frá ráðuneyti atvinnuvega og nýsköpunar, en hann fékk jafnháan styrk frá sama ráðuneyti fyrir réttu ári. Fyrsta styrkinn, sem var lægri, fékk hann fyrir tveimur árum frá ráðuneyti mennta- og menningarmála.

 

Fyrir utan það að peningarnir skipta sköpum fyrir framgang verkefnisins verður að telja þetta mikla viðurkenningu á starfi Hjalta.

 

Þess má geta, að Hjalti hefur verið beðinn um að gera kostnaðar- og verkáætlun fyrir það viðamikla verk að taka Kútter Sigurfara á Akranesi í sundur og forverja síðan og pakka því sem nýtilegt er til geymslu. Það myndi svo bíða þess að fjármagn fengist til endurbyggingar þessa fræga báts.

 

Hjalti heldur úti vef um endursmíði gamalla báta og nánast allt sem þeim fræðum viðkemur. Þar er saman komið svo mikið efni, bæði frá honum sjálfum og fróðleikur sem hann hefur tínt saman hér og þar bæði hérlendis og erlendis, að væntanlega tæki nokkra daga að lesa það allt ef það væri gert í einni lotu (tengillinn hér neðst).

 

Sjá einnig:

18.01.2014 Smíði fimmtán metra skips á döfinni

07.01.2014 Bátar Hjalta sýndir á Gásahátíðinni

05.08.2013 Miðaldafólk frá Reykhólum í kaupstaðarferð

06.03.2013 Vatnsdalsbáturinn verður til sýnis á Hnjóti í sumar

03.03.2013 Fær veglegan ráðuneytisstyrk til smíði annars báts

30.08.2012 Fullt út úr dyrum að fylgjast með smíðinni

31.05.2012 Styrkur til endursmíði báts frá árdögum Íslendinga

 

Horfin verkþekking - bátasmíðavefur Hjalta Hafþórssonar

 

Athugasemdir

Herdís Erna, sunnudagur 09 mars kl: 22:32

Glæsilegt og til hamingju

Björk Stefánsdóttir, sunnudagur 09 mars kl: 22:43

Þetta er frábært, til hamingju Hjalti

Eyvindur, mnudagur 10 mars kl: 07:23

Góður

Ingvar Samuelsson, mnudagur 10 mars kl: 07:32

Til hamingju Hjalti þetta var flott

Einar Örn Th., mnudagur 10 mars kl: 08:43

Gott mál.

Skrifaðu athugasemd:


Atburðadagatal

« Ma 2022 »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31