Tenglar

11. september 2014 | vefstjori@reykholar.is

Óvenjuleg sjávarhæð og magnaðar myndir

Staðarbryggja í suðvestanvosi á stórstraumsflóði í gærkvöldi.
Staðarbryggja í suðvestanvosi á stórstraumsflóði í gærkvöldi.
1 af 3

Þessa dagana er mjög stórstreymt, eins og sjá má á myndunum frá Staðarhöfn á Reykjanesi í Reykhólasveit sem hér fylgja. Á annarri þeirra, sem Ása Björg Stefánsdóttir í Árbæ tók á níunda tímanum í gærkvöldi, má sjá sjávarhæðina og hvernig sjórinn spýtist upp gegnum bryggjugólfið þegar aldan ríður undir. Litli flotpallurinn (flotbryggjan) með göngubrúnni fylgir sjávarhæðinni og á myndinni er liggur hann hærra en sjálf bryggjan. Ásamt stórstreyminu hefur áhlaðandi væntanlega haft sín áhrif á sjávarstöðuna, en þarna var þéttingsvindur af suðvestri eða beint á land.

 

Til glöggvunar á sjávarhæðinni og til samanburðar er hér líka önnur mynd frá Ásu (nr. 2), tekin á háfjöru á sínum tíma. Þar liggur bátur þeirra Þórðar og Ásu í Árbæ við litlu flotbryggjuna. Þriðja myndin er samsett úr þessum tveimur, skornum á hæðina, þannig að sjá má muninn í einni sjónhendingu.

 

Hér má sjá fleiri magnaðar myndir frá sjávargangi við Reykhólahöfn og Staðarhöfn.

 

Skrifaðu athugasemd:


Atburðadagatal

« Ma 2022 »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31