Tenglar

22. febrúar 2017 | Umsjón

Óttast samkeppni við ódýrt hormónakjöt

Breskir bændur hafa áhyggjur af því, að verði af fríverslunarsamningi milli Bretlands og Bandaríkjanna muni ódýrt bandarískt hormónakjöt flæða inn á breskan markað. Enn er ekki búið að semja um heimildir til innflutnings landbúnaðarvara frá Bandaríkjunum til Bretlands, en bresku bændasamtökin óttast verulega að þarlendum landbúnaði verði fórnað á altari samningaviðræðna milli landanna.

 

Í Bandaríkjunum er leyfilegt að nota hormóna við framleiðslu á nautakjöti og mjólk en slíkt er óheimilt í allri Evrópu. Þá hafa bresku bændasamtökin jafnframt bent á, að auk þess sem munur sé á framleiðslukostnaði á milli landanna vegna hormónanna séu opinberar kröfur í Bretlandi um aðbúnað, umhverfismál og dýravelferð mun strangari en opinberar kröfur í Bandaríkjunum. Það valdi enn meiri mun á framleiðslukostnaði, sem geri samkeppnisstöðu breskra bænda mjög erfiða.

 

Þetta kemur fram hér á vef Landssambands kúabænda.

 

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31