Tenglar

5. maí 2010 |

Nýir eigendur Hólakaupa á Reykhólum

Eyvindur og Ólafía í Hólakaupum.
Eyvindur og Ólafía í Hólakaupum.
Nýir eigendur tóku við versluninni Hólakaupum á Reykhólum um mánaðamótin, sambýlingarnir Ólafía Sigurvinsdóttir og Eyvindur Magnússon, sem bæði eru þrautreyndir verslunarstjórar. Nýir siðir koma ávallt með nýjum herrum og segja þau Ólafía og Eyvindur að ýmissa breytinga á búðinni sé að vænta á næstunni.

 

Eyvindur var verslunarstjóri í Kaupfélagi Borgfirðinga í Borgarnesi í fimm ár og Ólafía verslunarstjóri hjá Kaupási / 11-11 í Reykjavík í sjö ár. „Við vonum að við vitum alveg hvað við erum að gera og það sjáist að hér sé vant fólk á ferðinni. Hins vegar verður að gefa okkur nokkrar vikur til að koma búðinni í það horf sem við viljum. Við stefnum að því að um næstu mánaðamót líti búðin út eins og við viljum hafa hana. Núna eru til dæmis á leiðinni nýir kælar en þeir sem fyrir eru hérna eru orðnir nokkuð gamlir“, segja þau.

 
„Við verðum bæði með lækkað vöruverð og aukið vöruúrval. Við vonum að breytingarnar sem við gerum verði til batnaðar. Við viljum endilega heyra í fólki varðandi hugmyndir sem það er með, hvort sem það er eitthvað ákveðið sem það vill í vöruúrvali eða eitthvað annað. Við viljum heyra það og reynum þá að vega og meta hvort við teljum að það sé grundvöllur fyrir því. Við viljum heyra bæði það jákvæða og ekki síður fá gagnrýni, því að það er hún sem heldur manni alltaf á tánum“, segir Eyvindur.

 

Ólafía Sigurvinsdóttir er frá Gilsfjarðarbrekku í Reykhólahreppi, tuttugu og níu ára gömul. Hún fluttist úr héraðinu fyrir um fimmtán árum en var alltaf fyrir vestan á sumrin að vinna. Eyvindur Magnússon er nýorðinn fertugur og Borgfirðingur og Snæfellingur í bland, eins og hann segir. „Samt vil ég frekar vera Snæfellingur ef ég má velja.“

 

Þau segjast endilega vilja komast í samband við framleiðendur hér á svæðinu varðandi sölu á framleiðsluvörum þeirra. „Það eru ekki allir ferðamenn sem vita hvað er í gangi hérna í héraðinu þannig að margt fólk bara keyrir hér í gegn á sumrin og veit ekki neitt. Við viljum heyra í öllum.“

 

Framvegis er opið alla daga vikunnar í Hólakaupum. Í þessum mánuði er opið frá mánudegi til laugardags kl. 10-18 og sunnudaga kl. 13-17. Frá 1. júní og til 29. ágúst verður opið alla daga vikunnar kl. 10-22.

 

Þau Ólafía og Eyvindur vilja minna á, að verslun í heimabyggð styrkir búsetuna.

 

Síminn í Hólakaupum er eftir sem áður 434 - sjö, átta, níu, núll.

 

Athugasemdir

Pálína Pálsdóttir, fimmtudagur 06 ma kl: 00:00

Til hamingju Reykhólasveitungar með nýju íbúana í hreppnum. Vonandi veitið þið þeim gott brautargengi og hjálpið þeim að veita ykkur góða þjónustu. Hlakka til að koma "heim" í sumar.

Sólrún Ósk Gestsdóttir, fstudagur 07 ma kl: 09:40

Hjartanlega til hamingju eigendur sem íbúar.

Það er alltaf gaman að láta drauma sína rætast, og ekki síður gaman að eiga þátt í að aðrir geti látið sína drauma rætast.
Þessi búð er einmitt draumur sem rættist, hjá öllum fyrri eigendum.

Var það ekki líka draumur íbúanna að hafa þjónustu alla daga vikunnar.

Svo margir drauma hafa orðið að veruleika.

Það þarf kjark og þor til að sxtanda upp og taka áhættu, það leiðir til framfara.


Til hamingju Ólafía og Eyvi.

Skrifaðu athugasemd:


Atburðadagatal

« gst 2022 »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31