Tenglar

5. apríl 2015 |

Myndir úr kynnisferð sauðfjárbænda

Myndir: Herdís Erna Matthíasdóttir.
Myndir: Herdís Erna Matthíasdóttir.
1 af 15

Tuttugu og sex manns í Sauðfjárræktarfélagi Reykhólahrepps brugðu sér fyrir nokkru í dagsferð í austanvert Húnaþing og fengu Svein á Staðarfelli í aksturinn. Við Gljúfurá á mörkum Vestur- og Austur-Húnavatnssýslu kom Magnús Sigurðsson bóndi á Hnjúki í rútuna og annaðist leiðsögn og gerði það frábærlega, segja ferðalangar.

 

Byrjað var á því að fara á Blönduós, þar sem Gunnar Tr. Halldórsson framkvæmdastjóri SAH og Gísli Garðarsson sláturhússtjóri tóku á móti mannskapnum. Þeir fóru með hópinn um allt sláturhúsið og síðan var boðið upp á kjötsúpu og fleira. Eftir það var farið í ullarþvottastöð Ístex og hún skoðuð.

 

Komið var í heimsókn á fjóra sveitabæi og þeir skoðaðir. Það voru Stóri-Dalur, Stóra-Giljá, Hof og Hnjúkur. Bændur tóku vel á móti starfssystkinum sínum vestan frá Breiðafirði og voru veglegar veitingar á borðum.

 

Myndirnar úr þessari vel heppnuðu og skemmtilegu ferð (röðin á þeim er hér af algeru handahófi) tók Herdís Erna Matthíasdóttir.

 

Skrifaðu athugasemd:


Atburðadagatal

« Nvember 2022 »
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30