Tenglar

21. júní 2016 |

Mikill áhugi á forsetakosningunum í Flatey

Í gær, mánudag, var atkvæðagreiðsla utan kjörfundar í „Frystihúsinu“ í Flatey á Breiðafirði á vegum Sýslumannsins á Vestfjörðum. Alls eru sex íbúar skráðir með lögheimili í eynni, sem heyrir undir Reykhólahrepp. Skemmst er frá því að segja að allir íbúarnir voru á staðnum og nýttu kosningarétt sinn, og raunar gott betur, því 16 aðkomumenn nýttu tækifærið og greiddu atkvæði utan kjörfundar í Flatey þennan dag.

 

Þannig hefst póstur frá Jónasi Guðmundssyni sýslumanni. Síðan segir þar:

 

Það var því í nógu að snúast hjá starfmönnum embættisins, sem fóru með Breiðafjarðarferjunni Baldri frá Brjánslæk á Barðaströnd og höfðu viðdvöl í eynni meðan hún sigldi til Stykkishólms og til baka, en talsverð skriffinnska fylgir atkvæðagreiðslu utan kjörfundar á stöðum þar sem ekki er beint tölvusamband við atkvæðagreiðslukerfið.

 

Óhætt er því að segja að mikill áhugi sé á forsetakosningunum í Flatey á Breiðafirði. Margir kjósendur lýstu yfir mikilli ánægju sinni með að geta greitt atkvæði í eynni í stað þess að þurfa að fara upp á „fastalandið“ til að greiða atkvæði þar.

 

Á morgun, miðvikudag, verður boðið upp á að greiða atkvæði utan kjörfundar á Reykhólum og verður fróðlegt að vita hvort þátttaka íbúa Reykhólahrepps sem á fastalandinu búa verði eins góð og í Flatey.

 

Skrifaðu athugasemd:


Atburðadagatal

« Jn 2022 »
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30