Tenglar

3. apríl 2015 |

Lægri orkureikningar hjá Orkubúi Vestfjarða

Þjónustusvæði Orkubús Vestfjarða er það erfiðasta og dýrasta á landinu.
Þjónustusvæði Orkubús Vestfjarða er það erfiðasta og dýrasta á landinu.

Núna um mánaðamótin hækkaði jöfnunargjald ríkissjóðs á dreifingu raforku í dreifbýli hjá Orkubúi Vestfjarða úr kr. 1,55 á kílóvattstund í kr. 2,17. Þá verður líka innheimt frá sama tíma „jöfnunargjald“ sem nemur kr. 0,20 á kílóvattstund. Jöfnunargjaldið er innheimt bæði í þéttbýli og dreifbýli og rennur í ríkissjóð til að mæta kostnaði við jöfnun milli dreifbýlis og þéttbýlis.

 

Af þessum sökum lækkar hver kílóvattstund í dreifbýli um kr. 0,42. Að teknu tilliti til virðisaukaskatts lækkar hver kílóvattstund til almennra nota um kr. 0,52 og til húshitunar um kr. 0,47.

 

Að ári liðnu verður síðan lokaskrefið stigið og verð fyrir dreifingu raforku í dreifbýli jafnað til fulls við það verð sem hæst er í þéttbýli.

 

Niðurgreiðslur ríkissjóðs til hitunar íbúðarhúsnæðis eru einnig auknar:

  • Í dreifbýli hækkar rafhitaniðurgreiðslan frá ársbyrjun úr kr. 4,95 í kr. 5,40.
  • Í þéttbýli hækkar rafhitaniðurgreiðslan frá ársbyrjun úr kr. 3,61 í kr. 4,02.
  • Hjá kyntum hitaveitum hækkar niðurgreiðslan frá ársbyrjun úr kr. 2,90 í kr. 3,06.

 

Ef tekið er dæmi af íbúðarhúsi sem notar 40 þúsund kílóvattstundir á ári, þar af 6 þúsund til almennra nota og 34 þúsund til upphitunar, lækkar árlegur orkukostnaður sem hér segir:

  • Í dreifbýli er lækkunin kr. 35.959.
  • Í þéttbýli með rafhitun er lækkunin kr. 6.437.
  • Í þéttbýli með kyntri hitaveitu er lækkunin kr. 4.550.

 

Lækkanir þessar eru hrein kjarabót fyrir vestfirsk heimili, segir á vef Orkubús Vestfjarða.

 

Athugasemdir

Dalli, fstudagur 03 aprl kl: 19:52

Gott væri að fá líka samanburð á hitunarkostnaði hjá þeim sem nota Hitaveitu Reykhóla við aðrar hitaveitur og rafhitun.

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31