Tenglar

3. janúar 2014 | vefstjori@reykholar.is

Kveðjur í Reykhólahrepp frá Barkarstöðum í Miðfirði

Systkinin fjögur: Ásgerður Ásta, Soffía Sóley, Svanhildur Sjöfn og Daníel Rafn.
Systkinin fjögur: Ásgerður Ásta, Soffía Sóley, Svanhildur Sjöfn og Daníel Rafn.
1 af 3

Sjötta barnið sem bættist í hópinn í Reykhólahreppi á nýliðnu ári er stúlka sem fæddist 17. ágúst, dóttir Ebbu Gunnarsdóttur og Kjartans Daníelssonar sem þá bjuggu á Bakka í Geiradal en eru nú flutt norður í Miðfjörð. Stúlkan litla reyndist 4.545 grömm eða rúmar 18 merkur og 56 cm. Hún var skírð 30. nóvember og fékk nafnið Svanhildur Sjöfn. Fyrir eiga þau Ebba og Kjartan þrjú börn, Soffíu Sóley 15 ára, Ásgerði Ástu 6 ára og Daníel Rafn 4 ára.

 

Fjölskyldan á Bakka fluttist að Barkarstöðum í Miðfirði í Vestur-Húnavatnssýslu um mánaðamótin október-nóvember og líkar mjög vel. Þau biðja fyrir kærar kveðjur í Reykhólahreppinn frá þeim öllum ásamt þökkum fyrir samveruna og vinskapinn á liðnum árum. Daníel Rafn sendir sérstakar kveðjur til besta vinarins, Smára á Gróustöðum, og krakkanna á leikskólanum. Ásgerður Ásta sendir sérstakar kveðjur til Sumarliða á Gróustöðum og Elísu á Hríshóli og að sjálfsögðu til krakkanna í grunnskólanum.

 

Mynd nr. 2 var tekin á skírnardegi Svanhildar Sjafnar. Þar er hún í fanginu á langömmu sinni og nöfnu, Svanhildi Kjartans, móður Daníels á Ingunnarstöðum í Geiradal, föður Kjartans.

 

Athugasemdir

Eyvindur, laugardagur 04 janar kl: 09:06

Saknaðarkveðjur í Miðfjörðinn

Skrifaðu athugasemd:


Atburðadagatal

« gst 2022 »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31