Tenglar

20. mars 2015 |

Kvartmilljón í kassann á pítsukvöldinu

Reykhólaskóli / Árni Geirsson.
Reykhólaskóli / Árni Geirsson.

Segja má að salan hjá Nemendafélagi Reykhólaskóla í gærkvöldi hafi farið fram úr björtustu vonum. Undir lokin komu viðskiptavinir að tómum kofanum og var þeim sagt að því miður hefði allt klárast. Ekki er reyndar víst að öllum hafi þótt neitt miður að svo vel hefði salan og þar með fjáröflun krakkanna gengið, heldur jafnvel glaðst yfir því.

 

Bakaðar og seldar voru 120 pítsur, auk tveggja sem duttu í gólfið. Í kassann komu um 250 þúsund krónur, en þar af voru um 50 þúsund fyrir peysur sem félagsmiðstöðin var að selja.

 

„Krakkarnir voru rosalega duglegir, þetta var bara færibandavinna og allir á fullu allan tímann. Ofninn hafði varla undan að baka pítsurnar því að þau voru svo snögg að búa þær til. Nokkrir foreldrar barna í 7.-10. bekk aðstoðuðu við pítsugerðina,“ segir Jóhanna Ösp Einarsdóttir tómstundafulltrúi í Fremri-Gufudal.

 

Ungmennin í 8-10. bekk eru nýkomin úr ferðalagi sem þau voru búin að safna fyrir. Þau fóru á Samfésballið í Laugardalshöllinni og tóku þátt í alls konar viðburðum í ferðinni, svo sem að fara á skauta og í sund, taka þátt í escape, fara í íþróttahúsið Björk í Hafnarfirði og fleira.

 

Núna í vor fara þau í síðan í ævintýraferð í skólaferðalaginu. Á þriggja ára fresti fara þau til Danmerkur og fór mannskapurinn þangað á liðnu vori, en strax þarf að byrja aftur að safna þar sem kostnaðurinn við þessar ferðir er mikill. Krakkarnir sem eru núna í 6.-8. bekk eru þeir sem næst fara til Danmerkur vorið 2017.

 

Athugasemdir

Reynir og Ása, laugardagur 21 mars kl: 07:40

Það er greinilega þörf á að gera þetta oftar.
En þar sem við fengum okkur ekki Pizzu í þetta skiptið langar okkur/Hólabúð að stryrkja Nemandafélagið og væri gott að fá banka upplýsingar svo við getum lagt inn.

Kær kveðja
R&Á

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31