Tenglar

18. september 2015 |

Hugleiðingar um stjórnsýslu í Flatey

Gunnar Sveinsson, Eyjólfshúsi í Flatey.
Gunnar Sveinsson, Eyjólfshúsi í Flatey.

Töluverð umræða hefur orðið á undanförnum mánuðum um stjórnsýslu í Flatey og hvar stjórnsýsluheimili Flateyjar ætti að vera. Á það að vera áfram á Reykhólum þar sem stjórnsýsluheimilið hefur verið allar götur frá því að gamli Flateyjarhreppur rann inn í Reykhólahrepp, eða á það að vera í Stykkishólmi þaðan sem reglubundnar samgöngur eru, sjúkrahús, verslun og önnur þjónusta við Flatey? Um þetta ályktuðu allir íbúar Flateyjar á þann veg, að flytja ætti stjórnsýsluna þangað og sendu undirskriftalista til Stykkishólmsbæjar til kynningar og umfjöllunar. Hugur allra íbúa Flateyjar stendur því til að flytja stjórnsýsluheimilið frá Reykhólum til Stykkishólmsbæjar.

 

Þannig hefst grein sem Gunnar Sveinsson í Eyjólfshúsi í Flatey sendi vefnum til birtingar undir fyrirsögninni hér fyrir ofan. Þar rekur hann m.a. margvíslegar ástæður þess að Flateyingar ættu að hafa vistaskipti hvað stjórnsýslu varðar og þá fyrst og fremst samgöngumálin, ræðir heimsókn sveitarstjórnarfólks í Reykhólahreppi út í Flatey í vor, opið bréf Erlu Þórdísar Reynisdóttur í Mýrartungu hér á vefnum fyrir skömmu og hugtakið jaðarbyggð. „En lofa skal það sem vel er gert og vissulega hefur Reykhólahreppur fjölmargt gert fyrir Flatey og Flateyinga og er það vel,“ segir Gunnar einnig og rekur ýmis dæmi þess.

 

Grein Gunnars Sveinssonar má lesa hér í heild og undir Sjónarmið í valmyndinni vinstra megin.

 

Athugasemdir

Guðrún Marta Ársælsdóttir, laugardagur 19 september kl: 09:52

Þakka Gunnari fyrir gott bréf, en vil leiðrétta eina rangfærslu. Reykhólahreppur hefur ekki að neinu leiti komið að uppbyggingu Frystihússins. Bestu kveðjur úr Byggdarenda Guðrún Marta

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31