Tenglar

7. nóvember 2015 |

Harpa endurkjörin í stjórn Ferðamálasamtakanna

Harpa Björk Eiríksdóttir ferðamálafræðingur.
Harpa Björk Eiríksdóttir ferðamálafræðingur.

Harpa Eiríksdóttir ferðamálafræðingur frá Stað í Reykhólasveit var endurkjörin í stjórn Ferðamálasamtaka Vestfjarða á aðalfundi þeirra á Patreksfirði í síðasta mánuði. Hún var fyrst kjörin í stjórn samtakanna á aðalfundi þeirra í Trékyllisvík vorið 2013. Ár hvert er helmingur stjórnar kosinn til tveggja ára í senn, en formaður er kosinn árlega.

 

Núna er stjórn samtakanna þannig skipuð: Daníel Jakobsson formaður; Harpa Eiríksdóttir, Nancy Bechtloff og Þórdís Sif Sigurðardóttir, sem kosnar voru til tveggja ára; og Arinbjörn Bernharðsson, Einar Kristinn Jónsson og Þorsteinn Másson, sem eiga seinna árið eftir.

 

Harpa á einnig sæti í ráðgjafaráði Markaðsstofu Vestfjarða, sem skipað er þremur fulltrúum Ferðamálasamtaka Vestfjarða og tveimur fyrir hönd Fjórðungssambands Vestfirðinga.

 

Á myndinni sem tekin var núna í sumarlokin er Harpa á Upplýsingamiðstöð ferðamanna í anddyri Báta- og hlunnindasýningarinnar á Reykhólum, en hún hefur veitt hvoru tveggja forstöðu undanfarin ár.

 

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31