Tenglar

30. nóvember 2012 |

Fullveldishátíðin helguð íslenskum þjóðsögum

Baulaðu nú, Búkolla mín!
Baulaðu nú, Búkolla mín!

Fullveldishátíð Reykhólaskóla verður í íþróttahúsinu á Reykhólum í kvöld, föstudag. Allir eru velkomnir og sveitungar hvattir til að koma. Íslenskar þjóðsögur eru þema hátíðarinnar að þessu sinni og verður sýningin öll hin glæsilegasta. Þátttakendur í henni eru Arnarhópur leikskóladeildarinnar og 1.-10. bekkur.

 

Hátíðin hefst kl. 19.30 og stendur til kl. 23. Aðgangseyrir er kr. 1.000 fyrir 16 ára og eldri, kr. 500 fyrir grunnskólanemendur en frítt inn fyrir börn á leikskólaaldri.

 

Foreldrafélagið sér um veitingar, sem eru innifaldar í verði.

 

Fullveldishátíðin er árlegur viðburður í Reykhólaskóla. Þá er þess minnst, að hinn 1. desember 1918 varð Ísland fullvalda ríki þó að Danakonungur væri áfram þjóðhöfðingi Íslendinga og Danir önnuðust áfram tiltekin mál fyrir Íslendinga allt þar til lýðveldi var stofnað á Íslandi 17. júní árið 1944.

 

Myndin sem hér fylgir er eftir þjóðsagnateiknarann Mugg (Guðmund Thorsteinsson), sem átti djúpar ættarrætur í þessu héraði.

 

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31