Tenglar

1. maí 2015 |

Fulltrúar hreppsins eiga fundi með Flateyingum

Séð yfir hluta Flateyjar / Árni Geirsson.
Séð yfir hluta Flateyjar / Árni Geirsson.

Sveitarstjórn Reykhólahrepps ásamt sveitarstjóra fyrirhugar að heimsækja Flatey í dag, 1. maí, og eiga fund með íbúum eyjarinnar. Þórður Jónsson í Árbæ ætlar að sigla með mannskapinn á báti sínum frá Staðarhöfn klukkan 11.

 

Fyrir hálfum mánuði eða þann 16. apríl áttu þær Ingibjörg Birna Erlingsdóttir sveitarstjóri og Áslaug B. Guttormsdóttir í sveitarstjórn Reykhólahrepps fund syðra með stjórn Framfarafélags Flateyjar. Fundurinn var vel heppnaður í alla staði, fræðandi og upplýsandi. Gagnkvæmur skilningur og sameiginleg sýn á framtíð Flateyjar einkenndu fundinn og var farið yfir hin ýmsu málefni sem varða þessa dásemd í náttúru og sögu Íslands.

 

Nýkjörin stjórn Framfarafélagsins var öll mætt til fundarins, en hana skipa Gyða Steinsdóttir, Sunnuhvoli, formaður, Hörður Gunnarsson, Vesturbúðum, varaformaður, Svava Sigurðardóttir, Eyjólfshúsi, gjaldkeri, Kjartan Ragnarsson, Sólheimum, meðstjórnandi, og Kristín Ingimarsdóttir, Sólbakka, meðstjórnandi. Fundinum stýrði Gyða Steinsdóttir, formaður félagsins.

 

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31