Tenglar

20. október 2014 | vefstjori@reykholar.is

Frækin frændsystkin með rætur í Skáleyjum

Rúrik Gíslason í leik með íslenska landsliðinu. Ljósm. Wikipedia.
Rúrik Gíslason í leik með íslenska landsliðinu. Ljósm. Wikipedia.

Hér var fyrir nokkru greint frá rótum tveggja landsliðsmanna í fótbolta í Reykhólahreppi, Jóns Daða Böðvarssonar og Emils Hallfreðssonar. Nú skal bætt um betur og sagt í tveimur fréttum ofurlítið frá þremur frændsystkinum með rætur í héraðinu. Það er einn landsliðsmaðurinn enn, Rúrik Gíslason, og síðan afrekssystkinin Fríða Rún og Viktor Karl Einarsbörn. Amma þeirra allra er Ólína Jóhanna Gísladóttir úr Skáleyjum, en þær tilheyra Reykhólahreppi eins og langmestur hluti Breiðafjarðareyja líkt og flestir (eða kannski fæstir) vita.

 

Feður þeirra frændsystkinanna þriggja eru bræðurnir Gísli og Einar Kári Kristóferssynir, synir Ólínu Jóhönnu og Kristófers Þorgeirssonar. Móðir Rúriks er Þóra Ragnarsdóttir en móðir Fríðu Rúnar og Viktors Karls er Kolbrún Karlsdóttir.

 

En byrjum á Rúrik Gíslasyni. Hann er 26 ára og hefur leikið rúmlega þrjátíu A-landsleiki auk tæplega fimmtíu landsleikja með yngri flokkum. Þar hefur hann skorað samtals átján mörk, síðast þegar hann kom inn á sem varamaður útileiknum gegn Lettlandi fyrir skömmu og skoraði nánast strax þriðja mark íslenska liðsins í leiknum sem vannst frækilega 0-3. Rúrik hefur verið í atvinnumennsku erlendis allt frá 2005. Núna er hann hjá danska liðinu F.C. København.

 

Sjá einnig:

Rúrik Gíslason kemur á óvart sem söngvari - Stöð tvö 7. september 2012

 

Skrifaðu athugasemd:


Atburðadagatal

« Ma 2022 »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31