Tenglar

21. nóvember 2015 |

Embætti sóknarprests auglýst laust til umsóknar

Reykhólakirkja í morgunsól / hþm.
Reykhólakirkja í morgunsól / hþm.

Biskup Íslands auglýsir laust til umsóknar embætti sóknarprests í Reykhólaprestakalli frá næstu áramótum. Áskilinn er réttur til þess að leggja viðbótarstarfsskyldur á prestsembættið við prófastsdæmið, Biskupsstofu eða annan kirkjulegan aðila.

 

Í Reykhólaprestakalli eru sex sóknir, Flateyjarsókn, Garpsdalssókn, Gufudalssókn, Reykhólasókn, Skarðssókn á Skarðsströnd og Staðarhólssókn í Saurbæ. Sóknarkirkjur eru í öllum sóknunum. Í auglýsingunni er tekið fram að prestakallið, sem er að miklum hluta í dreifbýli, sé víðfeðmt, vegalengdir miklar og samgöngur víða erfiðar, einkum að vetrarlagi.

 

Reykhólaprestakall á samstarfssvæði með Dalaprestakalli og Hólmavíkurprestakalli. Sóknarprestur mun hafa sérstakar starfsskyldur við Biskupsstofu, sem nemur allt að 50% starfshlutfalli.

 

Prestssetrið og skrifstofa sóknarprests er á Reykhólum. Sóknarpresti er skylt að sitja prestssetrið og hafa umsjón með því. Fyrir liggur haldsbréf ásamt framkvæmdaáætlun hjá fasteignasviði Biskupsstofu. Sá sem fær embættið undirritar haldsbréfið áður en tekið er við prestssetrinu. Um prestssetrið gilda starfsreglur um prestssetur og aðrar fasteignir þjóðkirkjunnar nr. 950/2009.

 

Biskup Íslands skipar í embætti sóknarpresta til fimm ára. Valnefnd velur sóknarprest skv. starfsreglum um val og veitingu prestsembætta nr. 1109/2011 og er stuðst við ráðgjafa í öllu umsóknarferlinu. Heimilt er að óska eftir því að almennar prestskosningar fari fram.

 

Umsóknarfrestur rennur út 11. desember.

 

Í auglýsingunni á vef Biskupsstofu er vísað til laga um jafna stöðu og jafnan rétt kvenna og karla.

 

30. sept. 2015  Sr. Jóhanna Sigmarsdóttir leysir af á Reykhólum

 

Athugasemdir

Málfríður Vilbergsdóttir, sunnudagur 22 nvember kl: 09:48

Sæl verið þið sveitungar! Ég hef áhuga á að fara framm á að kjósa um prest hvað segið þið um það? bestu kveðjur Málfríður Hríshóli

Skrifaðu athugasemd:


Atburðadagatal

« gst 2022 »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31