Tenglar

8. desember 2015 |

Eitt verð ég að nefna til viðbótar ...

Fólk æfði sig hvert á öðru.
Fólk æfði sig hvert á öðru.
1 af 2

„Ég þakka kærlega fyrir skemmtilega samverustund á Reykhólum á fimmtudag og föstudag. Reyndar var ég svo heppin að „eiginlega verða veðurteppt“ og gat því notið sveitarinnar fram á sunnudag,“ segir Hrefna Hugosdóttir hjúkrunarfræðingur (frá Reykhólum og Miðjanesi) í léttu tilskrifi. Hún kom og var með námskeið í skyndihjálp á vegum Auðnast fyrir starfsfólk Reykhólahrepps og Þörungaverksmiðjunnar.

 

Bæði hreppurinn og verksmiðjan leggja áherslu á að slík námskeið fyrir starfsfólkið séu haldin með stuttu millibili og standa straum af þeim. Nærri fjörutíu manns sóttu námskeiðin að þessu sinni eða um fjórðungur íbúa Reykhólahrepps á aldrinum 20-67 ára. Flestir sækja námskeiðin aftur og aftur og því er þar líka um að ræða upprifjun og þjálfun í því sem áður hefur verið lært.

 

„Þátttakendur voru mjög áhugasamir og einstaklega skemmtilegir nemendur,“ segir Hrefna.

 

Auðnast leggur ríka áherslu á að skýr stefna sé varðandi heilsu og líðan starfsmanna fyrirtækja og stofnana. Þannig sé kunnátta í skyndihjálp mikilvægur liður í öryggis- og heilsustefnu þeirra.

 

„Eitt verð ég að nefna til viðbótar“, segir Hrefna. „Ég fór á föstudaginn í mat í skólanum og þar var allt á fullu eins og gengur í grunnskólum. Þó var ástæðan aðeins önnur en venjulega, þar voru veikindaforföll og börnin voru að þrífa skólann, allir á fullu og mikil stemming í hópnum. Frábær hugmynd að samvinnuverkefni, auk þess sem það er til þess fallið að efla ábyrgðarkennd fyrir umhverfi sínu.“

 

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31