Tenglar

31. mars 2015 |

„Eins og búðin hafi verið opnuð fyrir þetta námskeið“

Peter Weiss búinn að kaupa í matinn í Hólabúð á Reykhólum.
Peter Weiss búinn að kaupa í matinn í Hólabúð á Reykhólum.

Peter Weiss, forstöðumaður Háskólaseturs Vestfjarða, dvelur þessa viku í Reykhólasveit og heldur vettvangsnámskeið varðandi nýsköpun í þangi og þara. Til að láta nýsköpun ganga upp þarf líkaminn næringu og þó að nemendur geti fengið að kaupa hádegismat í skólanum eru eftir bæði morgunmatur og kvöldsnarl og líka kaffi og með því stöku sinnum. Þá kemur sér vel að rétt áður en námskeiðið hófst var opnuð matvörubúð á Reykhólum á nýjan leik eftir langvinnt búðarleysi.

 

„Það er eins og búðin hafi verið opnuð fyrir þetta námskeið,“ segir Peter og brosir. „Ekki bara að hún sparar 120 kílómetra ferð til Hólmavíkur fram og til baka, hún gerir mann líka töluvert afslappaðri hvað innkaupin varðar, maður þarf ekki að birgja sig upp fyrir marga daga fram í tímann og svo er ekkert stress þó að maður hafi gleymt einhverju,“ segir Peter Weiss.

 

„Ég get ímyndað mér að þetta sé allt annað líf fyrir íbúana, en það gildir ekki síður um þá sem skipuleggja tíu manna námskeið á staðnum,“ segir hann, og bætir við að mjög vel fari um hópinn í þeirri paradís þangs og þara sem Reykhólar eru.

 

Námskeiðið er vettvangsnámskeið þar sem umræða og heimsóknir í fyrirtæki eru í forgrunni. Auk þess vinna nemendurnir sjálfir að nýsköpunarverkefnum sem tengjast nýtingu hafsins og þá sérstaklega þangi og þara. Námskeiðið er styrkt af Sóknaráætlun landshluta.

 

Athugasemdir

Maria Maack, mivikudagur 01 aprl kl: 14:57

Í fyrramálið (fyrir hádegi kl 9 á skírdag) kynna erlendu nemendurnir niðurstöður sínar, eigilega viðskiptaáætlanir um stofnun fyrirtækja sem á einhvern hátt tengjast þörungum og nýtingu þeirra. Þetta verður uppi í skóla.

Skrifaðu athugasemd:


Atburðadagatal

« September 2022 »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30