Tenglar

15. október 2014 | vefstjori@reykholar.is

Dalli enn á ferð með spaða að gjöf

Kolbeinn Óskar, Sólbjört Tinna, Aníta Hanna, Jóhannes Hrafn og Jón Halldór ásamt Dalla og spöðunum.
Kolbeinn Óskar, Sólbjört Tinna, Aníta Hanna, Jóhannes Hrafn og Jón Halldór ásamt Dalla og spöðunum.
1 af 3

Enn á ný er Guðjón Dalkvist Gunnarsson á Reykhólum (Dalli) búinn að koma færandi hendi í Reykhólaskóla með badmintonspaða að gjöf handa nemendum í fjórða bekk. Reyndar byrjaði hann á því á sínum tíma að koma með spaða handa öllum nemendum frá fjórða bekk og alla leiðina upp í tíunda bekk og kvaðst síðan stefna að því að gefa fjórðubekkingum hverju sinni spaða. Formlegur gefandi er reyndar ekki Dalli sjálfur persónulega heldur Glæðir, lífræni áburðarvökvinn gamalkunni sem hann framleiðir og hefur gert um langt árabil.

 

„Þessi gjöf frá Dalla á hverju ári hefur vakið mikla hrifningu og áhuga,“ segir Kolfinna Ýr Ingólfsdóttir íþróttakennari. „Á þriðjudögum klukkan fjögur er Ungmennafélagið Afturelding í samstarfi við foreldra með opið hús í íþróttahúsinu þar sem krakkar níu ára og eldri geta komið og spilað. Það er gaman að sjá hvað þau eru dugleg að koma og nota spaðana sína. Í næsta mánuði stefnir ungmennafélagið síðan að því að hafa badmintonhelgi og fá þá þjálfara til að kenna krökkunum réttu handtökin,“ segir hún.

 

Ungmennin á hópmyndinni ásamt Dalla eru frá vinstri Kolbeinn Óskar Bjarnason, Sólbjört Tinna Cornette, Aníta Hanna Kristjánsdóttir, Jóhannes Hrafn Cornette og Jón Halldór Lovísuson. Á myndina vantar Ketil Inga Guðmundsson.

 

Athugasemdir

Þórarinn Ólafsson, fimmtudagur 16 oktber kl: 13:48

Dalli er góður og með góðan mjöð.

Skrifaðu athugasemd:


Atburðadagatal

« Ma 2022 »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31