Tenglar

27. júní 2021 | Sveinn Ragnarsson

Brauð í sjálfsafgreiðslu á Reykhólum

1 af 4

Rétt ofan við Heilsugæsluna á Reykhólum stendur símaklefi. Hann er þó ekki tengdur við neitt símakerfi, heldur gegnir hann hlutverki sjálfsala.

 

Það er Dísa Sverrisdóttir á Reykhólum sem á þennan símaklefa. Hugmyndin að þessari útgerð bara kom, eins og hún segir. Hún hefur fengist við að baka hverabrauð, sem er seytt rúgbrauð bakað í sjóðandi hver, og þau hafa notið mikilla vinsælda. Í framhaldi af því ákvað Dísa að prófa að setja upp sjálfsafgreiðslu á brauðunum.

 

Það var töluverð undirbúningsvinna við að setja klefann upp. Hann sótti hún suður í Þjórsárdal, þar sem hann átti að vera útisturtuklefi en varð ekki af. Það þurfti að dytta að ýmsu áður en hægt var að setja klefann upp og kom sér þá vel að Dísa og maður hennar, Jón Atli Játvarðarson eru bæði með afbrigðum handlagin og útsjónarsöm. Sem dæmi smíðaði Dísa baukinn sem viðskiptavinir setja andvirði brauðanna í.

 

Líklegt er að innan tíðar verði á boðstólum þarna líka tómatar og gúrkur frá Magnúsi Sigurgeirssyni í Görðum, auk brauðanna og etv. eitthvað fleira.

 

Dísa sagði að hún hafi ekki staðið ein í þessu, hún hafi fengið aðstoð frá fjölskyldu og nágrönnum, og að allir hafi sýnt þessu velvilja.

 

 

 

Athugasemdir

Gunnar Sveinsson, rijudagur 29 jn kl: 16:42

Þetta er frábær hugmynd,
Einu sinni var í Flatey slíkur símaklefi (stakk reyndar svolítið í stúf við það gamla umhverfið sem þar var) en þetta vekur upp hugmyndir um að hægt hefði verið að nýta hann til sömu hluta (þó að flateyskum hætti) og Dísa hefur hugsað fyrir. Eins og alltaf nú sér maður eftir þessum símaklefa sem tekinn var niður fyrir ca 20 árum.
Kveðjur úr Flatey

Skrifaðu athugasemd:


Atburðadagatal

« Ma 2022 »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31