Tenglar

22. ágúst 2015 |

Áslaug í samstarfsnefnd um friðlandið í Flatey

Séð yfir hluta Flateyjar á Breiðafirði. Ljósm. Árni Geirsson, júní 2012.
Séð yfir hluta Flateyjar á Breiðafirði. Ljósm. Árni Geirsson, júní 2012.

Umhverfisstofnun hefur byrjað undirbúning að gerð verndar- og stjórnunaráætlunar fyrir friðlandið í Flatey á Breiðafirði. Slíkri áætlun er ætlað að fjalla um markmið verndunar svæðisins og hvernig stefnt skuli að viðhaldi verndargildis þess. Stjórnun friðlýstra náttúruminja er í umsjón Umhverfisstofnunar. Í erindi hennar varðandi þetta mál, sem tekið var fyrir á síðasta fundi sveitarstjórnar Reykhólahrepps, segir m.a.:

 

Við gerð verndar- og stjórnunaráætlana er lögð mikil áhersla á samráð og samstarf við hagsmunaaðila og óskar Umhverfisstofnun hér með eftir því að sveitarfélagið Reykhólahreppur tilnefni fulltrúa í samstarfsnefnd um gerð áætlunarinnar.

 

Sveitarstjórn samþykkti að tilnefna Áslaugu Bertu Guttormsdóttur sveitarstjórnarmann á Mávavatni á Reykhólum í samstarfsnefndina.

     

Skrifaðu athugasemd:


Atburðadagatal

« gst 2022 »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31