Tenglar

7. júlí 2013 | vefstjori@reykholar.is

Arnarhræ fannst í Djúpafirði

Hræið var vel heillegt, jafnvel augun.
Hræið var vel heillegt, jafnvel augun.

Dauður örn fannst í Djúpafirði í Gufudalssveit í Reykhólahreppi skömmu fyrir síðustu mánaðamót og fór fólk frá Arnarsetrinu í Króksfjarðarnesi daginn eftir og sótti hræið. Á vef setursins kemur fram, að lasburða örn hafi sést á þessum slóðum vikurnar á undan. Hræið var heillegt og hafði því fuglinn drepist nýlega og hafði verið orðinn mjög horaður.

 

Örninn var með litmerki á báðum fótum, en þau geta sagt til um uppruna og aldur. Samkvæmt upplýsingum frá Náttúrufræðistofnun Íslands var hann merktur sem ungi í hreiðri við Húnaflóa sumarið 2005 og var því átta ára gamall. Ekkert hafði frést af fuglinum síðan en tvö systkini hans hafa sést á síld í Kolgrafafirði á norðanverðu Snæfellsnesi undanfarna vetur.

 

Fleiri myndir af hræinu og litmerkingunum má sjá hér á vef Arnarseturs Íslands í Króksfjarðarnesi.

 

Skrifaðu athugasemd:


Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31