Tenglar

Félagsþjónusta Stranda og Reykhólahrepps óskar eftir húsnæði sem fyrst á Reykhólum fyrir hjón frá Venesúela með tvö börn.

 

Upplýsingar gefur Soffía Guðmundsdóttir, félagsmálastjóri í síma 842-2511 eða í tölvupósti; felagsmalastjori@strandabyggd.is

 

Félagsþjónusta Stranda og Reykhólahrepps auglýsir eftir umsóknum um sérstakan húsnæðisstuðning fyrir 15-17 ára börn

 

 Veita skal sérstakan húsnæðisstuðning til foreldra og forsjáraðila 15-17 ára barna sem leigja herbergi á heimavist, námsgörðum eða á almennum markaði hér á landi vegna náms fjarri lögheimili.

 

Sérstakur húsnæðisstuðningur skal vera óháður tekjum og eignum foreldra eða forsjáraðila og nemur 60% af leigufjárhæð. Fjárhæð styrks skal þó aldrei nema hærri upphæð en 22.000 kr. á mánuði. Lágmarkgreiðsla foreldra eða forsjáraðila skal vera 10.000 kr. á mánuði.

 

Með umsókn um slíkan stuðning skal leggja fram húsaleigusamning og staðfestingu á námi barns.

 

Umsóknum og fylgigögnum skal skila til Soffíu G. Guðmundsdóttur, félagsmálastjóra á netfangið felagsmalastjori@strandabyggd.is eða á skrifstofu Félagsþjónustunnar að Hafnarbraut 25, 510 Hólmavík.

Nánari upplýsingar veitir Soffía í síma 451-3510 eða í tölvupósti á ofangreint netfang.

 

 

Reykhólahreppur auglýsir eftir verkefnastjóra hringrásarsamfélags í Reykhólahreppi.

Leitað er að leiðtoga með brennandi áhuga á mótun og uppbyggingu sjálfbærs hringrásarsamfélags, sem hefur getu til að halda utan um mismunandi verkþætti og hafa yfirsýn sem hjálpar við ákvarðanatöku og miðla réttum og skýrum skilaboðum til hagsmunaaðila.

 

Um er að ræða tveggja ára verkefni.

 

Helstu verkefni:

  • Vinna með sveitarstjórn og hagaðilum að mótun hringrásarsamfélags í Reykhólahreppi
  • Gerð og mótun auðlindafélags Reykhóla
  • Þátttaka í greiningarvinnu
  • Fjárfestakynningar
  • Samskipti við hagaðila
  • Upplýsingamiðlun, kynningar og fræðsla fyrir íbúa
  • Umsóknir í sjóði

Umsóknarfrestur er til og með 17. feb. 2023.

 

Sjá auglýsingu hér til hliðar.

 

2. febrúar 2023

Orkukostnaður heimila

Af vef Byggðastofnunar
Af vef Byggðastofnunar

Líkt og undanfarin ár, hefur Byggðastofnun fengið Orkustofnun til að reikna út kostnað á ársgrundvelli, við raforkunotkun og húshitun á sömu fasteigninni, á nokkrum þéttbýlisstöðum og í dreifbýli. Viðmiðunareignin er einbýlishús, 140 m2 að grunnfleti og 350m3.

Almenn raforkunotkun er sú raforka sem er notuð í annað en að hita upp húsnæði, s.s. ljós og heimilistæki, en miðað er við 4.500 kWst í almennri rafmagnsnotkun og 28.400 kWst við húshitun án varmadælu en 14.200 kWst með varmadælu. Gert er ráð fyrir að „loft í vatn“ varmadæla skili 50% sparnaði á raforku til húshitunar en orkusparnaðurinn er þó háður ýmsum þáttum.

 

Á Vestfjörðum er hæsti húshitunarkostnaður í þéttbýli á Ísafirði, Patreksfirði, Suðureyri, Flateyri og í Bolungarvík, þar sem eru kyntar hitaveitur (mynd 7).

Á þessum stöðum er lægsta verð fyrir kyndingu viðmiðunareignar 209 þ.kr. og hefur lækkað um 13,3% frá 2014. Þó eru ekki öll hús tengd fjarvarmaveitum og lægsti mögulegi húshitunarkostnaður er þá nokkuð lægri, eða sá sami og annars staðar á Vestfjörðum þar sem er hitað með rafmagni.

 

Rafhitun er á Hólmavík, Þingeyri, Tálknafirði, Bíldudal, Hnífsdal og Súðavík og þar er lægsti húshitunarkostnaður viðmiðunareignar 177 þ.kr. og hefur lækkað um 31,2% frá 2014. Í Súðavík hefur húshitunarkostnaður lækkað um 34,4% því árin 2014 og 2015 var hann hærri þar en í öðrum byggðakjörnum með rafhitun. Staðurinn er skilgreindur sem dreifbýli hvað varðar raforku en vegna niðurgreiðslna er kostnaður þar nú sá sami og á öðrum stöðum með rafhitun.

 

Á Reykhólum er hitaveita en lægsta verð fyrir húshitun þar er 147 þ.kr. og hefur lækkað um 6,2% síðan 2014. Lægsti húshitunarkostnaður viðmiðunareignar á Vestfjörðum er á Drangsnesi, hjá Hitaveitu Drangsness, 108 þ.kr. og hefur hann hækkað um 4,2% frá 2014.

 

Af vef Byggðastofnunar

 

 

 

Aðalfundur skógræktarfélgasins Bjarkar í Reykólahreppi verður haldinn í Reykhólaskóla, mánduaginn 6. febrúar kl. 20:00.

Venjuleg aðalfundarstörf.

 

Stjórnin

 

 

 

Sumarstarfsmenn óskast á Reykhólum

Reykhólahreppur óskar eftir að ráða tvo sumarstarfsmenn í starf á Reykhólum við að sinna stuðningsþjónustu hjá 16 ára stúlku, í júní, júlí og ágúst. Vinnutími væri mánudaga til föstudaga frá 9:00-16:00.

 

Mjög skemmtilegt og krefjandi starf sem gæti hentað vel fyrir vinkonur eða par. Reynsla af sambærilegu starfi æskileg.

Húsnæði á staðnum.

 

Umsóknarfrestur er til og með 1. mars 2023.

Umsóknir sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

 

Upplýsingar eru veittar í síma 451-3510 og fyrirspurnir má einnig senda á felagsmalastjori@strandabyggd.is.

 

 

Starfsfólk óskast í skammtímavistun á Reykhólum

Starfsfólk óskast í vaktavinnu í skammtímavistun hjá 16 ára stúlku á Reykhólum. Mjög skemmtilegt og krefjandi starf í fallegu og rólegu umhverfi.

Húsnæði á staðnum.

 

Umsóknarfrestur er til og með 1. mars 2023.

Umsóknir ásamt fylgigögnum sendist Soffíu Guðmundsdóttur, félagsmálastjóra, Hafnarbraut 25, 510 Hólmavík.

 

Upplýsingar eru veittar í síma 451-3510 og fyrirspurnir og umsóknir má einnig senda á felagsmalastjori@strandabyggd.is

 

 

 

Sandra Rún Björnsdóttir og Ingólfur Birkir Eiríksson, mynd Kolfinna Ýr
Sandra Rún Björnsdóttir og Ingólfur Birkir Eiríksson, mynd Kolfinna Ýr

 Skíðafélag Strandamanna mun bjóða upp á gönguskíðaæfingu í skógræktinni á Reykhólum (hjá Tómasi) á morgun, laugardaginn 28. janúar 2023 klukkan 14:00.

 

Nú er tilvalið að rífa fram gönguskíðin, mæta og hafa gaman. Þjálfarar hjá Skíðafélaginu munu verða með tilsögn og leiðbeina þátttakendum. 

Frítt verður í sund í Grettislaug eftir útiveruna. Tilvalin fjölskyldustund!

 

Æskilegt er að börn yngri en 10 ára séu í fylgd með fullorðnum. 

 

Skíðaiðkendur sem luma á auka gönguskíðum eru hvattir til að taka þau með til að leyfa áhugasömum „tilvonandi“ skíðaiðkendum að prófa. 

Þverun Þorskafjarðar, af vef Vista
Þverun Þorskafjarðar, af vef Vista
1 af 2

Verkfræðistofan Vista, í samstarfi við Vegagerðina, hefur lokið við að setja upp aflögunarmæli (e. Shape Acceleration Array) í vegstæði þar sem vegurinn þverar Þorskafjörð.

 

Um er að ræða fyrsta mælinn af þessu tagi frá Measurand sem settur er upp á Íslandi til að mæla jarðvegsaflögun á láréttan flöt, en aðferðin hefur verið notuð í Noregi til dæmis þar sem verið er að koma fyrir fyllingum í sjó og þvera firði.

 

Nánar á vefsíðu Verkfræðistofunnar Vista

Tryggvi Harðarson
Tryggvi Harðarson

Í héraðsdómi Vesturlands var í morgun tekið fyrir mál Tryggva Harðarsonar fyrrverandi sveitarstjóra gegn Reykhólahreppi. 
Í fyrirtökunni fór Tryggvi fram á að málið yrði fellt niður og samþykkti sveitarfélagið þá beiðni. 
Rekstri málsins fyrir dómstólnum er því lokið.

Covid-19 örvunarskammtur  -  næst verður bólusett föstudaginn 27. janúar 

 Fólk 60 ára og eldra og fólk með undirliggjandi sjúkdóma er hvatt til að þiggja örvunarskammt af bóluefni við Covid-19 ef fjórir mánuðir eða meira eru liðnir frá síðustu bólusetningu. Upplýsingar um fyrri bólusetningar má sjá á heilsuvera.is 

 

Bóka þarf tíma í bólusetningu í síma 432 1450 

 

 

Skimun fyrir leghálskrabbameini 9. febrúar 

 Konur sem hafa fengið boðsbréf eru hvattar til að panta tíma í skimun fyrir leghálskrabbameini. Skimunarsögu og dagsetningu á boði má finna á heilsuvera.is  

 

Tímapantanir eru í síma 432 1450 

 

 

Síða 1 af 690

Atburðadagatal

« Febrar 2023 »
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28