Tenglar

Húsnæðisáætlun Reykhólahrepps er aðgengileg hér.


Nokkur atriði sem áætlunin er byggð á.

 

Markmið sveitarfélagsins varðandi íbúðauppbyggingu

Markmið Reykhólahrepps er að byggja minni íbúðir, 2 - 3 herbergja fyrir yngra fólk og einstaklinga sem vöntun er á í störf á Reykhólum.

 

Mannfjöldaþróun

Í töflunni má sjá áætlaða íbúafjölgun næstu ára miðað við óbreytta meðalfjölgun á ári (0,3%) og jafnframt 0,5% og 1% árleg fjölgun. Miðað við þær forsendur myndi fjölga um 8 til 23 manns á næstu átta árum.

 

Atvinnuástand

Flest ársverk eru við landbúnað í sveitarfélaginu. Störf við opinbera þjónustu, einkum Reykhólaskóla og Hjúkrunar- og dvalarheimilið Barmahlíð hafa mikið vægi í atvinnulífinu. Tæp 60 manns starfa hjá sveitarfélaginu. Aðrir mikilvægir vinnustaðir eru Þörungaverksmiðjan og Norðursalt.

Lítið sem ekkert atvinnuleysi er í sveitarfélaginu. Vöntun hefur verið á starfsfólki hjá Reykhólahreppi og hjá Þörungaverksmiðjunni. Ekki hefur fengist fólk til starfa vegna húsnæðisskorts.

Í desember 2021 voru 2 störf í auglýsingu hjá sveitarfélaginu og 1 starf hjá Þörungaverksmiðjunni. Viðvarandi vöntun á starfsfólki hefur verið hjá Norðursalti.

 

Íbúakönnun landshlutanna fór fram á netinu í september og október 2020. Tilgangur hennar var að kanna hug íbúa til búsetuskilyrða, aðstæður á vinnumarkaði og afstöðu til nokkurra mikilvægra atriða, s.s hamingju og hvort íbúar séu á förum frá landshlutanum. Könnunin var send út á íslensku ensku og pólsku og alls fengust 10.253 svör. Skýrsla um könnunina kom út í ársbyrjun 2021.

 

Vífill Karlsson, Ph.D. í hagfræði hjá Samtökum sveitarfélaga á Vesturlandi, hafði yfirumsjón með skipulagi og framkvæmd könnunarinnar, ásamt því að vinna úr niðurstöðum með Helgu Maríu Pétursdóttur hjá Samtökum sveitarfélaga og atvinnuþróunar á Norðurlandi eystra. Rannsóknamiðstöð Háskólans á Akureyri safnaði netföngum og mat stærð úrtaks.

 

Mælaborðinu er skipt í þrjá flipa:
1) Spurningar, þar sem hægt er að velja spurningar í könnuninni og skoða niðurstöður eftir bakgrunni svarenda;
2) Þættir, þar sem stöðu og mikilvægi 40 búsetuþátta er raðað upp og hægt er að velja tiltekið svæði;
3) Svæði, þar sem einn búsetuþáttur er valinn og svæðum raðað upp eftir stöðu og mikilvægi þáttarins.

Af vef Byggðastofnunar

 


 


Nú er beðið með eftivæntingu eftir niðurstöðum um það hvort ættingjar Njálu frá Kambi beri hið mikilvæga gen sem verndar kindur fyrir riðu. Tekin voru 50 sýni á Kambi og þau send í greiningu til Þýskalands. Niðurstöður gætu borist fyrir vikulokin.

 

Frétt er um þetta á ruv.is

 

Myndinni er stolið af fb. síðu Karls á Kambi.

21. janúar 2022

Ótíðindi í þorrabyrjun

Kæru sveitungar

Í ljósi ástandsins í þjóðfélaginu höfum við ákveðið að fresta þorrablóti Reykhólahrepps um eitt ár enn og aftur !

 

Með góðri kveðju

Þorrablótsnefndin kosin 1920

(helv...., andsk...., djöful....., longblótsnefndin)

 


Sú breyting er gerð á opnunartíma Grettislaugar að í stað þess að hafa lokað á miðvikudögum, verður lokað á mánudögum. 

Þá lítur tímataflan svona út:

sunnudaga og mánudaga      lokað

þriðjudaga til föstudaga     17 - 21

laugardaga                         13 - 17

 


18. janúar 2022

Þorrabakkar Lions

Lions verður með þorrabakka til sölu í Reykhólaskóla, laugardaginn 29. janúar 2022, eftir kl 18.00.  

 

Verð  kr. 6.500.-  bakkinn.


Panta þarf í síðasta lagi miðvikudaginn 26. janúar, hjá Ingvari s. 898 7783 eða netfang  ingvarsam@visir.is

              Reykhóladeild Lions

 

Sannkallað gullfé hefur fundist á bænum Þernunesi í Reyðarfirði. Kindurnar eru sex talsins og bera gen sem er viðurkennt í Evrópusambandinu sem vörn gegn riðu. Þetta er í fyrsta sinn sem arfgerðin finnst hér á landi þrátt fyrir mikla leit. Hún er talin geta tryggt sigur í baráttunni gegn riðu. Þetta er sama arfgerð og unnið hefur verið með í löndum Evrópusambandsins með góðum árangri.

 

Féð er kollótt og rekur ættir sínar meðal annars í kollótt fé í Reykhólasveit og á Ströndum. Í tilkynningu segir að þetta gefi miklar vonir um að ARR arfgerðin verðmæta gæti fundist víðar á landinu. Nú er að hefjast stórátak í greiningu og verða um 15 þúsund gripir greindir í vetur.

Í tilkynningunni segir að það verði áskorun að koma ARR arfgerðinni sem hraðast inn í stofninn án þess að draga um of úr fjölbreytileika hans. 

 

Meira um þetta á ruv.is

 

12. janúar 2022

Baldur 12.1.2022 - ófært

1 af 2

Skipstjóri Baldurs hefur legið yfir stöðu mála í morgun og núna er staðan sú að við erum að fara í að senda út tilkynningu þess efnis að ferð dagsins verður felld niður vegna ölduhæðar og veðurs. Þetta er staðan sem við erum að horfa á í því sambandi, mikil ölduhæð og veðurspá óhagstæð.

 

Þetta hefur klárlega áhrif á ferðaplön og því erum við klár í að sigla aukaferð í fyrramálið, fimmtudag, er aðstæður verða betri, ef það gengur eftir verður það tilkynnt og kynnt vel eins og áður.

 

Útför Krist­ínar Ingi­bjargar Tóm­as­dótt­ur fór fram frá Reykhólakirkju 8. janúar.


Kristín Ingibjörg fæddist að Miðhúsum í Reykhólasveit 4. maí 1932 og ólst þar upp til sjö ára aldurs er fjölskyldan flutti að Reykhólum.For­eldr­ar henn­ar voru hjón­in Stein­unn Hjálm­ars­dótt­ir (1898-1990) og Tóm­as Sig­ur­geirs­son (1902-1987).

...
Meira

Umsjónarfólk í Barmahlíð vekur athygli á eftirfarandi:

Félagsmálaráðuneytið hvetur fólk til að skrá sig á lista bakvarðasveitar velferðarþjónustunnar. Velferðarþjónustan sinnir þjónustu við viðkvæma hópa og mikilvægt er að hún falli ekki niður þrátt fyrir það ástand sem nú ríkir. Óskað er eftir fólki sem getur starfað í þjónustu við fatlað fólk, aldraða, heimilislausa og börn með sértækar stuðningsþarfir. Óskað er sérstaklega eftir fólki með reynslu og menntun í heilbrigðis- og félagsþjónustu.

Síða 1 af 668

Atburðadagatal

« Janar 2022 »
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31