Tenglar

1. júní 2012 |

Opið bréf til sveitarstjórnar Reykhólahrepps

Guðjón Dalkvist Gunnarsson.
Guðjón Dalkvist Gunnarsson.

 

Virðulega sveitarstjórn!

 

Vogaland er eina samkomuhúsið í hreppnum, að frátöldum kirkjum. Eina húsið þar sem hægt er að setja upp leikrit og hentar til alls þess sem félagsheimilum er ætlað.

 

Fyrir nokkrum árum komu tvö kauptilboð í Vogaland, ekki langt frá þremur milljónum. Ég barðist mjög á móti sölu, bæði af tilfinningalegum hvötum og líka af hagrænum ástæðum: Við þyrftum að eiga húsið og auk þess væri það margfalt meira virði.

 

Þeim tilboðum var hafnað, þóttu of lág, og ákveðið að auglýsa eftir tilboðum, sem aldrei var svo gert.

 

Það kom eins og köld vatnsgusa framan í mig þegar mér var sagt nýlega, að Vogaland væri selt og á eina milljón króna.

 

Sveitarstjóri staðfesti svo við mig með söluna en ég spurði ekki um verðið.

 

Enga fann ég bókun um söluna í fundargerðum hreppsnefndar, hvorki samþykkt fyrir því að selja ætti Vogaland né heldur fyrir gerðum hlut.

 

Nú vantar mig skýringar: Hvers vegna selja Vogaland án auglýsingar? Hvers vegna selja Vogaland án samþykktar hreppsnefndar (lögbrot)? Hvers vegna þennan feluleik?

 

Með vinsemd og virðingu.

 

Guðjón D. Gunnarsson, Reykhólum.

 

Athugasemdir

Þorgeir Samúelsson, laugardagur 02 jn kl: 10:37

Dalli minn...þú færð aldrei svar við þessum spurningum þínum, öll mannana verk eru gerð í þágu almannaheilla...þessi gamli og góði ball-staður þar sem menn nutu víns og villtra meyja...er fyrir tíð núverandi stjórnlagaþings hér...nú gagnast best önnur lögmál...þöggun og þráhyggja eftir því að koma fólki í skylning um óhagkvæmni samkvæmt exelskjali...Þetta gamla hús er kanski ekki meira virði en það var selt á...en notagildi þess stendur alltaf fyrir sýnu....þar mætti reka yfir ferðamannatíman kaffihús....pöbb....með lifandi tónlist...gamlir popparar mundu notfæra sér eins og gerðist fyrir fáeinum dögum.....nei það er áhyggumynnst að gera ekki neitt...þannig náum við í gegn um kreppuna :)

Skrifaðu athugasemd:


Atburðadagatal

« Jn 2022 »
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30