föstudagurinn 4. mars 2016

Fyrstu verđlaunin á Reykhóla

Fulltrúar Reykhólaskóla, ţau Valdimar, Júlía og Solveig. Fyrir aftan er Tindur Ólafur Guđmundsson á Grund.
Fulltrúar Reykhólaskóla, ţau Valdimar, Júlía og Solveig. Fyrir aftan er Tindur Ólafur Guđmundsson á Grund.
1 af 14

Júlía Rún Pálsdóttir á Reykhólum hlaut fyrsta sætið á lokahátíð Stóru upplestrarkeppninnar sem haldin var á Hólmavík í fyrrakvöld, en þar kepptu nemendur í 7. bekk í Grunnskólanum á Drangsnesi, Reykhólaskóla og Grunnskólanum á Hólmavík. Viktor Elmar Gautason á Hólmavík varð í öðru sæti og Díana Jórunn Pálsdóttir á Hólmavík í því þriðja. Aðrir fulltrúar Reykhólaskóla í keppninni voru Solveig Rúna Eiríksdóttir og Valdimar Ólafur Arngrímsson. Margt fólk fylgdist með keppninni og naut auk þess tónlistar og veitinga, þar á meðal úr Reykhólasveit.

 

Dómnefnd skipuðu fulltrúi Radda, samtaka um vandaðan upplestur og framsögn, og fólk í héraði. Nemendur í unglingadeild Grunnskólans á Hólmavík fluttu tónlist en kaffi og meðlæti var í boði foreldra í 7. bekk.


Skáld keppninnar voru Bryndís Björgvinsdóttir og Guðmundur Böðvarsson. Keppendur lásu úr bókinni Flugan sem stöðvaði stríðið eftir Bryndísi og ljóð eftir Guðmund og síðan ljóð að eigin vali. Júlía Rún valdi sér og flutti Rauða steininn eftir Guðmund og Slysaskot í Palestínu eftir Kristján frá Djúpalæk. Allir keppendur fengu að gjöf ljóðabók eftir Guðmund Böðvarsson, auk þess sem veitt voru peningaverðlaun fyrir efstu þrjú sætin, 20 þúsund, 15 þúsund og 10 þúsund krónur.

 

„Þetta var mjög skemmtilegt og veitingarnar flottar,“ segir Anna Björg Ingadóttir, móðir Júlíu. „Og ég er stolt af stelpunni minni!“

 

Á döfinni

« Ágúst »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Nćstu atburđir
Skođa alla atburđi
Vefumsjón