Tenglar

fimmtudagur 22. maí 2008

Fuglar og skrímsli

Dílaskarfsungar.
Dílaskarfsungar.
1 af 18
Séra Sigurður Ægisson sóknarprestur á Siglufirði er ekki aðeins guðfræðingur að mennt heldur einnig þjóðfræðingur. Hann er áhugamaður um fuglalíf og frá hans hendi kom fyrir allmörgum árum bókin Ísfygla, sem Jón Baldur Hlíðberg myndskreytti. Þessa dagana er séra Sigurður í heimsókn á Reykhólum að skoða fugla í héraðinu. Í gær fór hann í bátsferð út á Breiðafjörð með Birni Samúelssyni og tók meðfylgjandi myndir í skerjunum austan við Skáleyjar, þar sem einkum gat að líta toppskarf og dílaskarf. Í Skutlaskeri var mest af toppskarfi en í Kirkjuskeri hafði dílaskarfurinn yfirhöndina....
Meira
miðvikudagur 21. maí 2008

Málaferli vegna Teigsskógar frestast

Kort af vef Landmælinga Íslands (lmi.is).
Kort af vef Landmælinga Íslands (lmi.is).
Dómsmál vegna fyrirhugaðs vegar um Teigsskóg milli Þorskafjarðar og Gufufjarðar í Reykhólahreppi frestast fram á haust. Til stóð að bjóða út lagningu vegar gegnum skóginn á þessu ári. Aðalmeðferð í máli landeiganda og félagasamtaka gegn íslenska ríkinu og Vegagerðinni átti að fara fram í gær en var frestað. Þar er farið fram á ógildingu ákvörðunar fyrrverandi umhverfisráðherra vegna fyrirhugaðrar vegarlagningar um skóginn. Ríkið krafðist frávísunar málsins og varð dómarinn við því og var frávísunin síðan kærð til Hæstaréttar. Réttarhlé verður í júlí og ágúst og því er ljóst að málflutningur hefst ekki fyrr en í september....
Meira
Ákveðið var á fundi hreppsnefndar Reykhólahrepps í síðustu viku að hvetja foreldra í sveitarfélaginu til að gera eitthvað skemmtilegt með börnunum sínum á Degi barnsins, sem er á sunnudaginn. Ríkisstjórnin hefur ákveðið að ár hvert skuli haldinn hátíðlega Dagur barnsins og hefur síðasti sunnudagur maímánaðar verið valinn fyrir þennan viðburð. Hann verður nú haldinn hérlendis í fyrsta sinn sunnudaginn 25. maí. „Markmiðið með því að helga börnum sérstaklega einn dag á ári er að skapa tækifæri til að minna okkur landsmenn alla á þessa mikilvægu þegna landsins, koma málefnum barna á framfæri og leyfa röddum barna að hljóma", segir Jóhanna Sigurðardóttir félagsmálaráðherra í bréfi til allra sveitarfélaga....
Meira
þriðjudagur 20. maí 2008

Útskipun á þangmjöli

Þangmjöli dælt í stálkör
Þangmjöli dælt í stálkör
1 af 5
Síðustu daga hefur verið hér í Reykhólahöfn flutningaskipið Amanda frá Danmörku til þess að lesta mjöl í lausu sem selt hefur verið til Skotlands.  Í þetta sinn fóru um 650 tonn af þangmjöli með skipinu. Útflutningur á mjöli með skipum beint héðan frá Reykhólum hefur verið að aukast og stefnt er að því að sem mest fari á þann hátt frá Þörungaverksmiðjunni hf.
Arnarungar við hreiður.
Arnarungar við hreiður.
1 af 3
Margir hafa beðið frétta af vefmyndavélinni sem Arnarsetur Íslands hyggst koma fyrir við arnarhreiður þannig að hægt verði að fylgjast með í beinni útsendingu á netinu. Að þessu framtaki standa hjónin Bergsveinn Reynisson og Signý M. Jónsdóttir á Gróustöðum við Gilsfjörð en Kristinn Haukur Skarphéðinsson arnarsérfræðingur hjá Náttúrufræðistofnun hefur verið þeim innan handar. „Væntanlega kemst vélin upp einhvern tímann á næstu vikum. Núna erum við bara að bíða eftir því hvernig útungun reiðir af í nokkrum álitlegum hreiðrum sem við erum með í sigtinu. Við viljum ekki hafa þau mjög aðgengileg fyrir hvern sem er en hins vegar verður að vera auðvelt að fylgjast með búnaðinum", segir Bergsveinn....
Meira
mánudagur 19. maí 2008

„Gleymum okkur ekki í formlegheitum“

Halli í Nesi í Garpsdalskirkju á hvítasunnudag. Ljósm. ÓS.
Halli í Nesi í Garpsdalskirkju á hvítasunnudag. Ljósm. ÓS.
Ég verð að segja að ég móðgaðist hálfpartinn við þessa fyrirsögn, „Aldraður maður í heimsókn á heimaslóð", við fréttina um hann Halla okkar í Nesi, sem og fannst mér fréttin frekar ópersónuleg. Eftir að hafa viðrað þessa skoðun mína við nokkrar manneskjur hef ég ástæðu til að ætla að fleiri séu sammála mér, segir Jóhanna Fríða Dalkvist frá Mýrartungu. Þegar ég hugsa um aldraðan mann sé ég fyrir mér gamlan og hruman mann. Það er of mikið að segja að mér finnist aldraður vera neikvætt orð en mér finnst það alls ekki eiga við Halla í Nesi sem er hress og léttur bæði andlega og líkamlega. Fyrir tveimur árum labbaði hann meðal annarra Barðstrendinga milli Húsadals og Langadals (í Þórsmörk), þá níræður að aldri. Á heimleiðinni orti hann svo vísur til að lífga upp á mannskapinn....
Meira
Reykhólahöfn. Myndir Árni Geirsson.
Reykhólahöfn. Myndir Árni Geirsson.
1 af 3
Tilboð Björgunar ehf. í dýpkun innsiglingarinnar í Reykhólahöfn, sem samþykkt hefur verið að taka, nam 73,5% af kostnaðaráætlun. Verkið kostar 16,3 milljónir en kostnaðaráætlun Siglingastofnunar, sem annaðist útboðið, var tæplega 22,2 milljónir króna. Verkið felst í því að dýpka siglingaleiðina inn að bryggju, um 600 m langa og 35 m breiða rennu, niður í fjögurra metra dýpi. Efnismagnið sem taka þarf og flytja brott er áætlað um 21.300 rúmmetrar. Allt efni úr dýpkun skal losað í sjó á 30-50 m dýpi í Hrúteyjarröst austan við Æðarkletta, um eina sjómílu frá dýpkunarsvæðinu. Verkið skal unnið í sumar og skal því lokið eigi síðar en 1. september....
Meira
Króksfjarðarnes neðst til hægri. Séð yfir Gilsfjörð til Saurbæjar. Ljósm. Árni Geirsson.
Króksfjarðarnes neðst til hægri. Séð yfir Gilsfjörð til Saurbæjar. Ljósm. Árni Geirsson.
Á fundi sínum í gær mótmælti hreppsnefnd Reykhólahrepps harðlega áformum um lokun póstafgreiðslunnar í Króksfjarðarnesi. Meðal annarra mála á fundinum í gær má nefna, að staðfest var ákvörðun skipulags-, bygginga- og hafnarnefndar um að taka tilboði Björgunar ehf. í dýpkun Reykhólahafnar upp á 16,3 milljónir króna. Einnig var ársreikningur Reykhólahrepps fyrir árið 2007 lagður fram og tekinn til fyrri umræðu....
Meira
fimmtudagur 15. maí 2008

Heim til Íslands á morgun

Séð yfir Kaupmannahöfn.
Séð yfir Kaupmannahöfn.
Nú er bara einn dagur eftir og trúlega er þetta síðasta bloggið mitt frá Kaupmannahöfn... Við hlökkum alveg svakalega til að komast til Íslands og á „hótelið" okkar. Í gærkvöldi var ég eins og óþekkasti krakki, ég vildi helst komast strax til ykkar, fannst allt ómögulegt... Ég hef ekki hugmynd um hvað við verðum lengi á LSH né hvað við þurfum að vera lengi í bænum eftir það, en ég veit bara að eftirlitið verður mjög þétt fyrstu vikurnar eftir útskrift. En það verður allt miklu auðveldara á Íslandi, lítið mál að skreppa vestur og skiptast á... Við hlökkum alveg rosalega til að hitta ykkur öll, ættingjar og vinir....
Meira
miðvikudagur 14. maí 2008

Aldraður maður í heimsókn á heimaslóð

Sóknarpresturinn sr. Sjöfn Þór tekur við biblíunni úr hendi Halldórs.
Sóknarpresturinn sr. Sjöfn Þór tekur við biblíunni úr hendi Halldórs.
1 af 6

Meðal kirkjugesta í Garpsdal á hvítasunnudag var Halldór Jónsson, aldraður maður sem var mestan hluta ævinnar búsettur í Garpsdal og síðan í Króksfjarðarnesi,  í daglegu tali nefndur Halli í Garpsdal og síðar Halli í Nesi. Við þetta tækifæri færði hann Garpsdalskirkju að gjöf nýja áletraða biblíu til minningar um fósturforeldra sína, hjónin Haflínu Guðjónsdóttur og Júlíus Björnsson, sem bjuggu í Garpsdal meira en fjóra áratugi. Halldór Jónsson frá Króksfjarðarnesi, eins og hann er skráður í símaskrá, fæddist á Kjörseyri við Hrútafjörð síðla árs 1916. Hann er því kominn yfir nírætt en ber aldurinn vel.

...
Meira

Atburðadagatal

« Ágúst 2019 »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31