Tenglar

sunnudagur 31. ágúst 2008

Hafna hugmyndum um lágmarksfjölda

Flokksráð Vinstri grænna hafnar hugmyndum um lögbindingu lágmarksstærðar sveitarfélaga. Eins og fram hefur komið hyggst ráðherra sveitarstjórnarmála leggja fram frumvarp þess efnis, að lágmarksfjöldi í sveitarfélagi verði þúsund manns. Í ályktun sem samþykkt var á fundi flokksráðs VG í gær segir: „Íbúar eiga að hafa svigrúm og sjálfræði til að meta kosti og galla sameiningar við önnur sveitarfélög og ákveða með hvaða hætti samstarfi þeirra á milli skuli háttað. Flokksráðið telur brýnt að úttekt verði framkvæmd á efnahagslegum og samfélagslegum áhrifum þeirra sameininga sem hafa átt sér stað á undanförnum árum."

 

sunnudagur 31. ágúst 2008

Uppskeruhátíđ UDN haldin á Reykhólum

Árleg uppskeruhátíð Ungmennasambands Dalamanna og Norður-Breiðfirðinga (UDN) verður haldin á Reykhólum á þriðjudagskvöldið, 2. september. Safnast verður saman við íþróttahúsið kl. 18.30 og flestir fara í leiki en nokkrir fullorðnir sá um að kveikja upp í „risagrilli". Þegar leikjum lýkur geta allir grillað sér pylsur eða hamborgara (sem þeir hafa haft með sér að heiman) og sest inn í hús að snæða og spjalla saman....
Meira
föstudagur 29. ágúst 2008

„Hin heimska hönd hagrćđingarinnar“

Grímur Atlason. Ljósm. bb.is.
Grímur Atlason. Ljósm. bb.is.

„Það er með ólíkindum að þegar hrávara hækkar í heiminum, og matvæli þar ekki síst, skuli það vera bændur á Íslandi sem taki á sig skerðinguna einir framleiðenda. Ekki nóg með að vaxtakostnaður og innkaupakostnaður hækki um tugi prósenta hjá þessari stétt heldur þurfa þeir líka að sætta sig við litla sem enga hækkun afurðaverðs." Þetta segir Grímur Atlason, bæjarstjóri í Dalabyggð, í ítarlegum pistli á bloggi sínu sem birtist undir Sjónarmið í valmyndinni hér til vinstri. Pistillinn ber yfirskriftina Hin heimska hönd hagræðingarinnar. Þar segir Grímur enn fremur:

...
Meira

Hér var í gær farið stórum orðum um ástand vegarins um Þorskafjarðarheiði. Þau ummæli voru byggð á frásögnum vegfarenda í síma og tölvupósti bæði við undirritaðan umsjónarmann þessa vefjar og við fréttavefinn bb.is á Ísafirði. Undirritaður grípur stundum í fréttaskrif fyrir bb.is og fékk beiðni þaðan um að skrifa frétt um þetta mál vegna kvartana sem þangað höfðu borist. Þá þegar hafði undirritaður fengið símtal frá manni sem bölvaði því innilega að hafa valið þessa nánast ófæru leið, að hann sagði, og var hann þó á bíl með sídrifi á öllum hjólum. Nú virðist sem lýsingar þessar hafi verið nokkuð orðum auknar og vegurinn um Þorskafjarðarheiði sé ekki alveg eins hábölvaður og ætla mátti af lestri fréttarinnar.

 

Reykhólahreppur ritaði í gær Kristjáni L. Möller ráðherra póst- og fjarskiptamála bréf þar sem farið er fram á að lokun pósthússins í Króksfjarðarnesi verði frestað um a.m.k. tvo mánuði. Búið var að ákveða að því yrði lokað núna um mánaðamótin. Jafnframt er þess farið á leit, að ráðherrann fresti þeirri ákvörðun Íslandspósts að fækka póstdreifingardögum í hluta hreppsins úr fimm í viku í þrjá í viku. Í bréfinu segir enn fremur, að Reykhólahreppur muni fara með þessi mál fyrir dómstóla ef þess gerist þörf. Þess vegna sé farið þess á leit, að ráðherrann fresti umræddum ákvörðunum á meðan lögfræðingar fari yfir málin. Afrit af bréfinu til ráðherrans var sent þingmönnum kjördæmisins....
Meira

Vegfarendur sem farið hafa um Þorskafjarðarheiði að undanförnu segja farir sínar ekki sléttar. Vegurinn er með alversta móti og fólk hefur dauðséð eftir því að hafa valið þessa leið, sem varla geti talist fær venjulegum bílum, uppvaðin moldardrulla og skorningar þar sem bílarnir taka niðri. Sverrir Guðbrandsson verkstjóri hjá Vegagerðinni á Hólmavík hafði ekki heyrt af þessu en sagði að málið yrði athugað strax á morgun. Hann kvaðst ekki geta sagt hvað gert yrði en spáð væri miklum rigningum og varla myndi ástandið batna við það. Sverrir sagði að Jón Hörður Elíasson rekstrarstjóri Vegagerðarinnar á Hólmavík muni koma úr fríi eftir helgina og þá verði ákveðið hvað yrði gert til úrbóta eða hvort eitthvað verði yfirleitt gert.
 

Úr Flatey á Breiđafirđi.
Úr Flatey á Breiđafirđi.
Símaskrá Flateyjar á Breiðafirði hefur nú verið gefin út í sjötta skipti. Hún er 48 blaðsíður að stærð og hefur að geyma nöfn 450 einstaklinga, 700 símanúmer og 300 netföng. Auk þess má finna í skránni fjölbreytt efni um Flatey, svo sem kort þar sem öll hús eru merkt inn auk upplýsinga um hvert hús í eyjunni. Þá er í skránni athyglisverð lýsing á listaverkum Baltasars Samper í Flateyjarkirkju, þar sem atvinnu- og menningarsaga eyjarinnar er rakin. Þá hefur verið aukið við Menningarhorn Flateyjar og í skránni er kynntur til sögunnar nýr þáttur er nefnist „Fréttahorn Flateyjar". Þá eru í skránni heilræði til allra sem heimsækja eyjuna og er því símaskráin orðin yfirgripsmesta uppflettirit um Flateyinga og upplýsingabók fyrir Flatey og nálægar eyjar - Flateyjarbók hin nýja....
Meira
fimmtudagur 28. ágúst 2008

Hvellur í eldhúsinu í Bjarkalundi

Árni Sigurpálsson hótelstjóri.
Árni Sigurpálsson hótelstjóri.
Rífandi gangur hefur verið í Hótel Bjarkalundi í Reykhólasveit í sumar. „Aukningin er um 35-40 prósent frá því í fyrra, bæði í gistingu og mat", sagði Árni Sigurpálsson hótelstjóri í Bjarkalundi í samtali við vefinn í gærkvöldi. Hann viðurkennir að stundum hafi verið erfitt að taka á móti öllum þessum fjölda. „Húsið er alveg sprungið utan af okkur þegar við fáum stóra hópa inn, eins og núna í kvöld þegar við tókum á móti 120 krökkum af Akranesi í mat. Það var óneitanlega dálítill hvellur hjá okkur í eldhúsinu."...
Meira
fimmtudagur 28. ágúst 2008

Guđni gleymdi ekki Vestfjörđum, en ...

Guđni Ágústsson. Ljósm. althingi.is.
Guđni Ágústsson. Ljósm. althingi.is.

Guðni Ágústsson, formaður Framsóknarflokksins, segist ekki hafa gleymt Vestfjörðum þegar hringferð hans um landið var skipulögð. Athygli hefur vakið fyrir vestan að ekki er auglýstur fundur á Vestfjörðum í hringferð formannsins sem nú stendur yfir. Þetta kemur fram á vef Ríkisútvarpsins. Guðni bendir á, að í þessari hringferð sé ekki gert ráð fyrir fundi í höfuðborginni eða stóru sveitarfélögunum sem liggja að borginni. Hann segir stefnt að því að boða til fundar á Vestfjörðum í september eða október. Mikilvægt sé að formaður flokksins fari um landið og hitti fólk. Vestfirðir séu þar engin undantekning.

...
Meira
fimmtudagur 28. ágúst 2008

Minnismerkin ađ Tjarnarlundi í Saurbć

Minnismerkin viđ Tjarnarlund.
Minnismerkin viđ Tjarnarlund.
1 af 2
Minnisvarðar Jóns Sigurpálssonar myndlistarmanns á Ísafirði um þrjá úr hópi merkustu sona og innbyggjara hins mildilega byggðarlags Saurbæjar í Dalasýslu voru afhjúpaðir við Tjarnarlund í Saurbæ um síðustu helgi, eins og hér kom fram. Synir þessir eru söguritarinn Sturla Þórðarson og skáldin Stefán frá Hvítadal og Steinn Steinarr. Minnismerkin sem eru úr gleri og stáli skóp listamaðurinn eftir því hvernig persónur rithöfundarins og skáldanna komu honum fyrir sjónir....
Meira

Atburđadagatal

« Febrúar 2020 »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29