Útsvarsprósenta í Reykhólahreppi fyrir árið 2009 var á fundi hreppsnefndar sl. fimmtudag ákveðin 13,03% - „með fyrirvara um breytingu til hækkunar vegna frétta um hugsanlega heimild til þess", eins og segir í bókun. Sveitarfélög hafa lengi haft lítils háttar svigrúm hvað útsvarsprósentu varðar. Síðustu sjö ár hefur leyfilegt lágmark verið 11,24% en leyfilegt hámark 13,03%. Langflest sveitarfélög landsins og þar á meðal Reykhólahreppur hafa nýtt sér efri mörkin....
Meira

Impra og Ferðamálastofa óska eftir umsóknum um þátttöku í Krásum, sem er fræðslu- og þróunarverkefni í svæðisbundinni matargerð. Í verkefninu verður boðið upp á fræðslu auk faglegs og fjárhagslegs stuðnings við þróun og sölu matvæla. Þátttaka er opin einstaklingum og litlum fyrirtækjum á landsbyggðinni, svo og samstarfshópum einstaklinga og lítilla fyrirtækja, sem óska eftir að vinna saman við þróun á matvörum. Matvörurnar þurfa að vera ákveðin nýjung en hafa um leið sterka skírskotun til viðkomandi svæða eða menningar. Verkefnin þurfa einnig að vera í sterkum tengslum við ferðaþjónustu, t.d. með sölu beint til ferðamanna, á sveitahótelum og gististöðum eða á veitingahúsum á landsbyggðinni....
Meira

Teljari hjá Google Analytics hefur mælt umferð um Reykhólavefinn síðustu fjóra mánuði. Á þeim tíma - frá og með 15. ágúst til og með 14. desember - eru heimsóknir á vefinn 22.923. Flettingar eru 96.280 eða 4,2 að meðaltali í hverri heimsókn. Með flettingum er átt við þann fjölda undirsíðna á vefnum sem heimsækjandi skoðar hverju sinni. Heimsóknir á dag eru 188 að meðaltali og flettingar á dag 789 að meðaltali á þessu tímabili. Tíminn sem heimsækjendur eru inni á vefnum hverju sinni er að meðaltali 2 mínútur og 42 sekúndur. Taka má fram, að vinna í umsjónarkerfi vefjarins kemur ekki fram í þessum mælingum....
Meira

Vefsíða Breiðafjarðarfléttunnar (www.flettan.is) hefur verið opnuð. „Þó að enn megi margt færa til betri vegar er hún komin á það stig að ég tel að við ættum ekki að bíða lengur með að kynna hana. Enska útgáfan fer í loftið fljótlega og síðan bætum við inn efni eftir því sem það berst, því að síðan verður í sífelldri endurskoðun á næstu vikum", segir Ingibjörg Þórhallsdóttir, verkefnisstjóri. Jafnframt biður hún um ábendingar varðandi það sem betur mætti fara á vefnum eða rangt mætti telja....
Meira

Upplýsingaskrifstofa ferðafólks á Reykhólum er væntanlega meðal hinna stöndugri sinnar tegundar hérlendis. Síðustu misserin hafa borist í netfang hennar tugir pósta þar sem tilkynnt er um stórvinninga af ýmsu tagi, sem henni hafi fallið í skaut, flesta upp á eina milljón dollara eða eina milljón evra hvern. Þar sem bókhaldið er ekki í mjög góðu lagi liggja heildartölur ekki fyrir. Fyrir utan þetta hafa skrifstofunni borist nokkur hjálparköll frá Nígeríu, þar sem óskað er eftir aðstoð við að endurheimta gríðarlega fjármuni úr ýmiss konar gíslingu gegn ríkulegu endurgjaldi....
Meira

Fyrri íbúðin í nýja parhúsinu að Hólatröð 1-3 á Reykhólum var afhent Reykhólahreppi fyrir stuttu og fór strax í útleigu. Hólatröð er nýr götustúfur samhliða vestasta hluta Hellisbrautar að ofanverðu, eins og glöggt má sjá á myndunum. Byggjandi hússins er fyrirtækið Þrjú ehf., sem er í eigu þeirra Bjarka Þórs Magnússonar og Eyglóar Kristjánsdóttur á Reykhólum. Reykhólahreppur keypti íbúðina að Hólatröð 1 (austurhluti hússins) rúmlega fokhelda á 15,7 milljónir króna en viðbótarsamningur um að fullgera íbúðina með grófjafnaðri lóð hljóðar upp á 6,2 milljónir, þannig að heildarverðið er 21,9 milljónir. Eftir er að ljúka húsinu að utan og bílskúr er ekki alveg tilbúinn ennþá....
Meira

Svo virðist sem hinn gríðarlegi niðurskurður sem gert er ráð fyrir í tillögum til breytinga á fjárlagafrumvarpi fyrir árið 2009 snerti íbúa Reykhólahrepps lítið með beinum hætti nema í einu tilviki. Gert var ráð fyrir 410 milljón króna framlagi til Fjarskiptasjóðs auk 90 milljón króna sértekna á næsta ári. Samkvæmt tillögunum fellur þessi liður niður, „þannig að líklega er úti um háhraðanettengingar í dreifbýlinu, ef rétt er skilið", segir Jón Jónsson á Kirkjubóli á Strandavefnum. Hugsanlegt er jafnframt að fyrirhuguð lækkun á framlagi til niðurgreiðslu á upphitun íbúðarhúsnæðis geti haft einhver áhrif....
Meira

Nýlega reið Atvinnuþróunarfélag Vestfjarða á vaðið með verkefni í matartengdri ferðaþjónustu. Ferðamönnum á Vestfjörðum fer stöðugt fjölgandi, en það gefur aukin tækifæri til að kynna matvöru með sérkennum hvers svæðis fyrir sig. „Þannig nýtist hugmyndaflug heimamanna í vöruþróun, hönnun og framsetningu, sem eykur verðmæti vörunnar og sýnileika staðbundinnar matarmenningar svæðisins. Settur hefur verið af stað forverkefnishópur, sem kemur úr röðum vestfirskra matvælaframleiðenda og framreiðenda ásamt Atvest. Samstarfið mun ná til fyrirtækja og einstaklinga í vinnslu á fiski, kjöti, mjólkurafurðum, grænmeti, drykkjarvöru og fleiri afurðum, ásamt verslunum, ferðaþjónustuaðilum og veitingastöðum", segja þær Ásgerður Þorleifsdóttir, Guðrún Eggertsdóttir og Viktoría Rán Ólafsdóttir, verkefnastjórar Atvest, í ítarlegri grein hér á vefnum....
Meira

Sannkallaður jólasvipur er kominn á verslunina Hólakaup á Reykhólum. Þar má finna flest það sem þarf í jólaundirbúninginn, auk jólagjafa af ýmsu tagi, ekki síst handa yngstu kynslóðinni. Í tilboðshillunni kennir ýmissa grasa á sérlega góðu verði: „Maður verður alltaf að hafa eitthvað á tilboði", segir Elísabet Ýr Norðdahl, sem tók við rekstri búðarinnar í byrjun nóvember. „Ég reyni að halda verðinu niðri eins og hægt er", segir hún, „en vörurnar hafa hækkað mjög mikið hjá birgjunum að undanförnu, sumt alveg rosalega mikið. Ég fæ hálfgert áfall þegar ég er að reikna þetta út."...
Meira

„Það þarf mikinn búnað til að hreinsa skelina og segja þeir í Kanada að það þurfi 4000 tonn til þess að reka fullkomna pökkunarstöð. Þessi pökkunarstörf verða í fyrstu í Eyjafirði en hugmyndir eru uppi um að Eyfirðingar flytji verksmiðjuna til Búðardals eða í Króksfjarðarnes því það stefnir í að Vestfirðingar verði stærstir í kræklingarækt innan fárra ára og því yrði best að hafa verksmiðjuna miðsvæðis", segir Jón Örn Pálsson, verkefnastjóri hjá Atvinnuþróunarfélagi Vestfjarða....
Meira