„Kolaport“ verður í félagsheimilinu á Hólmavík að Strandamanna sið á sunnudaginn kemur, hefst kl. 15 og lýkur kl. 18. Gleði, gaman og stemmning góð svífa yfir vötnum og Ásta og Ásdís sjá um veitingasölu, kolakaffið og kökurnar. Búist er við fjölmenni enda hafa Kolaportin á Hólmavík verið vel sótt til þessa. Þeir sem vilja vera með sölubása hafi samband við Ásdísi s. 694-3306. Ekkert gjald er tekið fyrir básinn.
...
Meira

Síðasta föndurkvöldið fyrir jól sem Handverksfélagið Assa í Reykhólahreppi stendur fyrir verður í kvöld kl. 20 í Kaupfélaginu í Króksfjarðarnesi. Tilvalið að mæta með jólakortin, jólagjafalistann eða prjónana - eða bara góða skapið. Kaffi á könnunni. Allir velkomnir. Föndurkvöldin vera svo aftur á dagskrá strax í janúar á nýja árinu.
...
Meira

„Við sem erum fædd á fyrri hluta síðustu aldar höfum lifað miklar breytingar og flestar til bóta. Sumar þeirra verður maður var við, þegar þær gerast, aðrar skynjar maður síðar, þegar litið er til baka. Þegar fór að líða á öldina fóru að heyrast raddir, sem ekki töldu landsbyggðina eiga neinn rétt - þeir geta bara flutt suður. Þessar raddir voru hjáróma í fyrstu en fljótlega tóku fleiri og sterkari undir. Nú hófst sóknin gegn landsbyggðinni.“
...
Meira

Námskeið um meðhöndlun lambaskrokka verður haldið á vegum Fræðslumiðstöðvar Vestfjarða á Dvalarheimilinu Barmahlíð á Reykhólum á miðvikudagskvöldið. Námskeiðið gengur út á að kenna fólki að ganga frá lambsskrokk í frystikistuna, þ.e. hvernig skal úrbeina og saga kjötið. Þá verður útskýrt hvernig á að gera bæði kæfu og rúllupylsu, gefnar ráðleggingar um eldun allra bita skrokksins og uppskriftahefti fylgir með. Námskeiðið hefst kl. 18 og stendur í þrjá til fjóra tíma.
...
Meira

Hér á vefinn hefur verið settur inn tengill á kosningavef dómsmála- og mannréttindaráðuneytisins vegna komandi stjórnlagaþingskosninga. Tengillinn er fyrir neðan efstu frétt og birtist til skiptis við auglýsingu um bann við rjúpnaveiðum. Í tilkynningu frá ráðuneytinu segir:
...
Meira

Á morgun, mánudag, mun Guðjón Ólafsson, sérkennslufræðingur og fræðslustjóri Austur-Húnvetninga, halda fyrirlestur um einelti í matsal Reykhólaskóla. Fundurinn hefst kl. 17 og er fyrir alla sem áhuga hafa. Fundarboðendur hvetja alla, bæði börn og fullorðna, til að koma á fundinn.
...
Meira

Hulda Ösp Atladóttir frá Reykhólum er meðal frambjóðenda til stjórnlagaþings. Hún bjó á Reykhólum öll sín æsku- og grunnskólaár, dóttir Dísu Sverrisdóttur og Jóns Atla Játvarðarsonar frá Miðjanesi. Kosninganúmerið hennar er 8452. Hún segir áherslumál sín vera einföld: „Brýnast þykir mér að skerpa á ákvæðum um þrískiptingu ríkisvaldsins. Ég hef lítinn áhuga á að umbylta stjórnarskránni. Þrátt fyrir það geri ég mér grein fyrir því að ekki verður litið fram hjá niðurstöðum Þjóðfundarins sem er nýafstaðinn. Þar komu fram margar verulega áhugaverðar og spennandi hugmyndir. Stjórnarskráin okkar er í grunninn góð en hana má gera ennþá betri.“
...
Meira

Fyrra jóla- og villibráðarhlaðborð vetrarins í Bjarkalundi er í kvöld, laugardagskvöld. Þar eru sem endranær óteljandi krásategundir í boði og jafnframt margvísleg skemmtiatriði. Enn munu einhver sæti vera laus. Síðara hlaðborðskvöldið verður síðan eftir rétta viku.
...
Meira

Kosningar til stjórnlagaþings verða þann 27. nóvember nk. og verður kjörstaður opinn frá kl. 10 til 18. Kjörstaður verður í Reykhólaskóla í húsnæði nýja bókasafnsins. Kjörskrá mun liggja frammi á skrifstofu Reykhólahrepps 10 dögum fyrir kjördag. Hægt er að kynna sér framkvæmd kosninganna og frambjóðendur á vefnum kosning.is. Þar er einnig hægt að nálgast sýnishorn af kjörseðli til að útfylla.
...
Meira

Ferðamálastofa auglýsir eftir umsóknum fyrir styrki til úrbóta í umhverfismálum fyrir árið 2011. Sérstök áhersla verður lögð á öryggismál á ferðamannastöðum, verkefni þar sem heildrænt skipulag og langtímamarkmið eru höfð að leiðarljósi og aðgengi fyrir alla. Umsóknarfrestur er til og með 20. desember. Sem fyrr verða veittar tvær tegundir styrkja. Annars vegar styrkir til smærri verkefna til úrbóta í umhverfismálum. Hámarksupphæð hvers styrks verður 500 þúsund krónur og er hann ætlaður fyrir efniskostnaði, áætlanagerð eða hönnun. Hins vegar verða veittir styrkir til úrbóta í umhverfismálum á ferðamannastöðum og uppbyggingar á nýjum svæðum fyrir ferðamenn. Styrkupphæð getur að hámarki orðið 50% af kostnaðaráætlun, þó aldrei hærri en 10 milljónir.
...
Meira