Handverksfélagið Assa í Reykhólahreppi áformar að gangast fyrir helgarnámskeiði til að læra að tálga úr tré og beini, svo sem ýmsa nytjahluti, dýr og fugla. Námskeiðið verður í Kaupfélagshúsinu í Króksfjarðarnesi. Það gæti orðið 6.-7. mars eða 13.-14. mars og þá frá kl. 11 til 16 báða dagana. Þátttaka ræður því hvor helgin yrði nýtt og jafnvel báðar ef með þarf. Kennari er Helgi Bjarnason.
...
Meira

Nú er að hefjast átak sem beinist að fermingarbörnum og forráðamönnum þeirra, þar sem bent er á hættuna sem fylgir því að ungt fólk fari í ljósabekki. Skilaboðin eru frá Félagi íslenskra húðlækna, Geislavörnum ríkisins, Krabbameinsfélaginu, Landlæknisembættinu og Lýðheilsustöð. Þetta er sjöunda árið sem farið er í fræðsluherferð undir slagorðinu Hættan er ljós. Birtar verða auglýsingar í dagblöðum og á vefsíðum, m.a. Facebook, og fjallað um málið í fjölmiðlum. Vakin er athygli á því að börn og unglingar eru næmari en aðrir fyrir skaðlegum áhrifum geislunar frá ljósabekkjum og sól. Tíðni húðkrabbameins hefur aukist mikið á síðustu áratugum, einkum tíðni svonefndra sortuæxla, en þau eru alvarlegasta tegund húðkrabbameins og algengasta tegund krabbameins hjá konum á aldrinum frá 15 til 34 ára.
...
Meira

Hin árvissa saltkjötsveisla og bókmenntastund hjá Reykhóladeild Lions verður á föstudagskvöldið, 5. mars. Tilhögun verður með sama hætti og undanfarin ár. Að þessu sinni verður fjallað um skáldkonuna Höllu Eyjólfsdóttur á Laugabóli í Djúpi, en hún fæddist og ólst upp í Múla við Gilsfjörð. Jafnframt verða sungin lög Sigvalda Kaldalóns við ljóð Höllu.
...
Meira

Íslenskur landbúnaður nýtur yfirgnæfandi stuðnings þjóðarinnar, skv. könnun sem kynnt var við setningu Búnaðarþings í dag. Um 96 prósent þjóðarinnar lýsa þar jákvæðum hug til bænda. Úr Reykhólahreppi sitja Búnaðarþing þeir Gústaf Jökull Ólafsson á Reykhólum, kjörinn fulltrúi, og Karl Kristjánsson á Kambi, stjórnarmaður í Búnaðarsamtökum Íslands og fulltrúi í framkvæmdanefnd samtakanna.
...
Meira

Hjá Íslendingum er veðrið stöðugt umræðuefni en einkum þó þegar áhlaup gerir eins og núna að undanförnu og grannt er fylgst með veðurspám. Vitað er að einhverjir fylgjast með spánum fyrir Reykhóla og Reykhólahrepp á norska veðurvefnum yr.no og sumir telja þær jafnvel betri en íslensku spárnar. Hér skal enginn dómur lagður á það. Netverjar geta skoðað þetta og reynt að meta það sjálfir. Hér eru slóðirnar á spárnar fyrir Reykhóla og Reykhólahrepp á þessum norska vef:
...
Meira

Kjósendur geta nú kannað hvar þeir eru á kjörskrá í fyrirhugaðri þjóðaratkvæðagreiðslu 6. mars, bæði á kosningavef dómsmála- og mannréttindaráðuneytisins og á vef Þjóðskrár. Með því að slá inn kennitölu kjósanda kemur upp nafn hans, lögheimili, sveitarfélag og kjördæmi. Einnig fá Reykvíkingar upplýsingar um kjörstað og kjördeild.
...
Meira

Sunnudagaskóli Reykhólakirkju fellur niður á morgun, sunnudaginn 28. febrúar. Sr. Elína Hrund er syðra og kemst ekki vestur vegna færðarinnar, en ekki stendur til að ryðja í dag.
...
Meira

Síðasti dagur Svæðisútvarps Vestfjarða og Vesturlands var í dag. Höskuldur Þórhallsson, þingmaður Framsóknarflokksins, telur að Ríkisútvarpið ohf. reki aðskilnaðarstefnu með ákvörðun sinni um að leggja niður svæðisbundnar útsendingar og stofna þess í stað til sérstakra landsbyggðarfréttaþátta í sjónvarpi og hljóðvarpi. Þetta kom fram í umræðum um svæðisstöðvar Ríkisútvarpsins á Alþingi í gær. Þverpólitísk andstaða virðist ríkja á Alþingi gegn niðurskurði RÚV á landsbyggðinni.
...
Meira

„Hvað hefur klikkað? Mér er tjáð að þegar þessar vegabætur voru á teikniborðinu hafi eldri menn varað við miklum snjóalögum akkúrat á þessum stöðum“, segir Kristín Hálfdánsdóttir, rekstrarstjóri Landflutninga-Samskipa á Ísafirði. Hún segir að þegar eitthvað sé að veðri og færð geti Vestfirðingar ekki nýtt sér nýju leiðirnar sem teknar voru í gagnið á síðasta ári, hvorki veginn yfir hálsinn við Skálavík í Mjóafirði í Djúpi né veginn um Arnkötludal og Gautsdal (veginn um Þröskulda) milli Stranda og Reykhólahrepps. „Bílar þurfa nú, þó ekki snjói meira, að keyra gömlu leiðina fyrir nesið og út í Reykjanes og síðan gömlu leiðina um Strandir. Arnkötludalurinn hefur ekki verið opnaður síðan á þriðjudag. Núna eru bæði flutningabílar og póstbíllinn fastir í Bitrufirði á Ströndum“, sagði Kristín í morgun.
...
Meira

Vakin er athygli á nýjum vef Sjúkratrygginga Íslands (www.sjukra.is) sem opnaður hefur verið. Hann tekur við hlutverki vefsvæðis TR (tr.is) sem upplýsingaveita um sjúkratryggingar til almennings, heilbrigðisstofnana og fyrirtækja. Í grunninn er vefurinn viðamikil upplýsingaveita um sjúkratryggingar. Haft var að leiðarljósi í uppbyggingu hans að hafa upplýsingar um réttindi almennings eins einfaldar og greinargóðar og mögulegt er.
...
Meira