Tenglar

f÷studagur 16. desemberá2011 |

Yrsa fÚkk vestfirska sk÷tu ÷­ru sinni

Yrsa tekur vi­ ver­laununum (fyrir utan sk÷tuna) ˙r hendi Ínundar Jˇnssonar yfirl÷greglu■jˇns ß Vestfj÷r­um.
Yrsa tekur vi­ ver­laununum (fyrir utan sk÷tuna) ˙r hendi Ínundar Jˇnssonar yfirl÷greglu■jˇns ß Vestfj÷r­um.

Yrsa Sigurðardóttir rithöfundur fékk í gær afhenta Tindabikkjuna, verðlaun sem Glæpafélag Vestfjarða veitir fyrir bestu glæpasöguna. Verðlaunin fær hún fyrir nýjustu bók sína, Brakið. Þetta er annað árið í röð sem Yrsa hreppir Tindabikkjuna en hún hlaut hana fyrir bókina Ég man þig þegar verðlaunin voru veitt í fyrsta sinn í fyrra. „Þetta er algjörlega mergjuð bók og Yrsa var svo kát með þetta að hún ákvað að fljúga vestur á Ísafjörð og taka á móti verðlaununum í eigin persónu“, segir Elfar Logi Hannesson í Glæpafélaginu.

 

Önundur Jónsson yfirlögregluþjónn á Vestfjörðum afhenti Yrsu verðlaunin, sem eru listgripur hannaður af Matthildi Helga- og Jónudóttur frá Alviðru í Dýrafirði, kíló af skötu (tindabikkju), ljósmyndabókina Sjómannslíf eftir Eyþór Jóvinsson og þjóðlega hljóðbók frá Kómedíuleikhúsinu.

 

Að lokinni verðlaunaafhendingu las Yrsa upp úr verðlaunabókinni fyrir viðstadda. „Þetta var verulega vel heppnað kvöld, það var fullt hús og glæpsamlega góð stemmning“, segir Elfar Logi. Í tilefni af afhendingu verðlaunanna var efnt til spurningakeppni sem nefnd var Dreptu betur.

 

Glæpafélagið heldur áfram starfsemi sinni fljótlega á nýju ári. „Við erum þegar byrjuð að plotta og plana næsta ár og ætlum að vera með morðgátu á Núpi í Dýrafirði í febrúar. Við höfum fengið hinn frábæra glæpasagnahöfund Ævar Örn Jósepsson í lið með okkur og hann ætlar að semja morðgátuna sem verður sérsniðin fyrir Núp. Þetta verður kynnt fljótlega og þá getur fólk farið að tryggja sér gistinguna en morðgátan tekur heila helgi. Í byrjun helgarinnar verður einhver myrtur og svo er helgin tekin í að leysa gátuna um það hver sé morðinginn. Allir gestir eru grunaðir og hver veit nema morðin verði fleiri en eitt. Á sunnudeginum leysist svo gátan svo þetta verður mjög spennandi.“

 

Frá þessu er greint á fréttavefnum bb.is á Ísafirði.

 

Þeir sem vilja ganga í Glæpafélag Vestfjarða geta t.d. haft samband við Elfar Loga Hannesson á Ísafirði.

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31