Tenglar

fimmtudagur 6. oktˇberá2011 |

Vilja stˇrefla heilsßrs fer­a■jˇnustu ß landsbygg­inni

Myndina af ähli­i Vestfjar­akjßlkansô tˇk ┴rni Geirsson a­ vetri til.
Myndina af ähli­i Vestfjar­akjßlkansô tˇk ┴rni Geirsson a­ vetri til.

Átján þingmenn hafa flutt þingsályktunartillögu um nýsköpunarátak til að stórefla heilsárs ferðaþjónustu á landsbyggðinni. Í tillögunni segir: „Alþingi ályktar að fela iðnaðarráðherra að hlutast hið fyrsta til um að hafið verði nýsköpunarátak í ferðaþjónustu úti á landi í þeim þríþætta tilgangi að fjölga erlendum ferðamönnum utan háannatíma, bæta við áfangastöðum á landinu svo að álag á ferðamannastaði dreifist betur og nýta betur og efla öll þau fjölmörgu samgöngu- og menningarmannvirki sem ríki og sveitarfélög hafa fjárfest í.“

 

Tillagan var einnig flutt á síðasta þingi en ekki náðist þá að afgreiða hana.

 

Ítarleg greinargerð fylgir tillögunni og hefst hún á þessa leið:

 

„Með þingsályktunartillögu þessari er ætlunin að bregðast við gríðarlegri fjölgun erlendra ferðamanna til landsins á síðustu árum og þeim spám að fjöldi þeirra muni tvöfaldast á næstu 10 árum. Ljóst er að margir helstu ferðamannastaðir á suðvestanverðu landinu, sem liggja næst Keflavíkurflugvelli, þola vart eða ekki meiri ásókn ferðamanna á háannatíma, nema gripið sé til aðgerða sem mögulega spilla ásýnd og yfirbragði þess sem ferðamenn sækjast eftir. Einn helsti veikleiki íslenskrar ferðaþjónustu er annars vegar mikið álag á ferðamannastaði yfir sumarið og hins vegar lítil dreifing erlendra ferðamanna utan höfuðborgarsvæðisins og Suðvesturlands utan sumartímans.

 

Það er af þessum sökum afar brýnt að fjölga áfangastöðum á landinu svo að álag af völdum ferðamanna dreifist betur en nú er. Hætt er við því að ella glatist upplögð sóknarfæri í þessari mikilvægu atvinnugrein.“

 

Tillöguna og greinargerðina í heild má lesa hér.

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31