Tenglar

sunnudagur 15. aprÝlá2012 |

Vesturfer­ir selja fer­a■jˇnustu um alla Vestfir­i

Stjˇrn og varastjˇrn Vesturfer­a. Frß vinstri: Ingi ١r, Jˇn ١r­arson, Keran Stueland, Birna Mj÷ll, Harpa, Arinbj÷rn og Gu­mundur Helgi.
Stjˇrn og varastjˇrn Vesturfer­a. Frß vinstri: Ingi ١r, Jˇn ١r­arson, Keran Stueland, Birna Mj÷ll, Harpa, Arinbj÷rn og Gu­mundur Helgi.

Engar tímamótaákvarðanir voru teknar á aðalfundi ferðaskrifstofunnar Vesturferða í Bjarkalundi í Reykhólasveit núna um helgina eftir miklar hræringar á síðasta ári. „Við ætlum okkur einfaldlega að standa við þau fyrirheit sem gefin voru við breytt eignarhald - að selja ferðaþjónustu á öllum Vestfjarðakjálkanum,“ segir Guðmundur Helgi Helgason á Núpi í Dýrafirði, stjórnarformaður Vesturferða.

 

Yfir sextíu ferðaþjónar á Vestfjarðakjálkanum eru nú meðal eigenda Vesturferða eftir róttækar breytingar á eignarhaldi á síðasta ári. Þá um vorið keyptu Ferðamálasamtök Vestfjarða 70% hlut í skrifstofunni af Hótel Ísafirði og Flugfélagi Íslands. Samtökin ákváðu svo að selja 45% af eignarhlut sínum til ferðaþjóna og sveitarfélaga á Vestfjörðum.

 

Ferðamálasamtök Vestfjarða eru nú stærsti einstaki hluthafinn í Vesturferðum með fjórðungshlut og sá eini sem á meira en tíu prósent. Reykhólahreppur keypti á síðasta hausti 100 þúsund króna hlut í Vesturferðum.

 

Nokkrar breytingar urðu á stjórn Vesturferða á aðalfundinum um helgina. Hana skipa nú Guðmundur Helgi Helgason, Núpi í Dýrafirði, Arinbjörn Bernharðsson, Norðurfirði á Ströndum, Ingi Þór Jónsson frá Flugfélagi Íslands, Jón Þórðarson á Bíldudal og Keran Stueland Ólason í Breiðavík. Varamenn eru Harpa Eiríksdóttir í Reykhólasveit og Birna Mjöll Atladóttir í Breiðavík.

 

Í vetur var Nancy Bechtloff ráðin framkvæmdastjóri Vesturferða.

 

Sjá nánar:

Reykhólahreppur kaupir hlut í Vesturferðum (Reykhólavefurinn 24. september 2011)

Framkvæmdastjóri Vesturferða ráðinn til bráðabirgða (Reykhólavefurinn 31. ágúst 2011)

Sameiginleg sölusíða allra ferðaþjóna á Vestfjörðum? (Reykhólavefurinn 18. ágúst 2011)

Vestfirsk ferðaskrifstofa með dreifðri eignaraðild? (Reykhólavefurinn 25. mars 2011)

 

Vesturferðir

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31