Tenglar

mßnudagur 4. j˙lÝá2011 |

äVestfjar­ahringurinn er t÷luvert styttriô

Hátt eldsneytisverð hefur verið í umræðunni og samdráttur í akstri á þjóðvegum landsins rakinn til þess. Sumir ferðaþjónar eru uggandi yfir þróuninni en það á ekki við um alla. „Það eru fólgin tækifæri fyrir ferðaþjónustuna í hækkandi bensínverði,“ segir Gústaf Gústafsson, framkvæmdastjóri Markaðsstofu Vestfjarða í samtali við bb.is á Ísafirði. „Og það er rangt að fullyrða eins og staðan er í dag að hærra bensínverð muni nauðsynlega draga mikið úr ferðalögum Íslendinga innanlands. Það má túlka tölur um minnkandi umferð frá Vegagerðinni á margan hátt og ég er nokkuð viss um að veðrið spilar þar töluvert inn í þó ég geti ekki fullyrt það núna,“ segir Gústaf.

Tækifærin sem Gústaf sér eru meðal annars fólgin í breyttu ferðamynstri íslenskra ferðamanna. „Þótt eldsneytisverð hafi hækkað um einhverja prósentu frá síðasta sumri, þá er lítið mál fyrir ferðamanninn að breyta ferðamynstri sínu þannig að ferðakostnaðurinn standi í stað eða jafnvel minnki. Hann getur t.d. einfaldlega dregið úr akstrinum sem samsvarar hækkuninni. Þetta gæti líka orðið til þess að bæta gæði ferðalaga. Er það ekki jákvæð þróun ef menn hætta að ferðast hringinn í kringum landið á fjórum dögum, eins og algengt var?“ segir Gústaf og bendir á að ekkert samband sé á milli gæða ferðalaga og vegalengda.

 

„Þvert á móti kynnist maður landinu betur með því að dvelja á hverjum stað í lengri tíma en það tekur að borða pulsu, svo ekki sé minnst á grey börnin í aftursætinu. Fjaran er t.d. ævintýraland litla fólksins. Maður upplifir landið takmarkað í gegnum bílrúðuna,“ segir Gústaf, og hann bætir við:

 

„Þá má líka benda þeim sem sjá ofsjónir yfir því hvað kostar að keyra hringinn í kringum landið, að Vestfjarðahringurinn er töluvert styttri og ódýrari yfirferðar.“

 

Skrifa­u athugasemd:


Atbur­adagatal

« Nˇvember 2020 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30