Tenglar

mi­vikudagur 8. j˙lÝá2009 |

Vel Štti a­ vi­ra ß Bßtadagana um helgina

Bßturinn Vinfastur nřsmÝ­a­ur ß planinu vi­ Bßtasafni­ ß Reykhˇlum.
Bßturinn Vinfastur nřsmÝ­a­ur ß planinu vi­ Bßtasafni­ ß Reykhˇlum.
Eins og nú horfir er veðurútlit ákaflega gott fyrir Bátadagana breiðfirsku um komandi helgi, en þeir voru haldnir í fyrsta sinn á síðasta sumri. Farið verður á laugardagsmorguninn á enn óvissum fjölda súðbyrtra báta frá höfninni á Stað á Reykjanesi, nokkurn spöl utan við Reykhóla, og komið við í eyjum á leiðinni til Flateyjar, þar sem gist verður um nóttina. Að Bátadögum stendur hópurinn sem undanfarin ár hefur unnið að uppbyggingu Bátasafns Breiðafjarðar á Reykhólum. Vonast er til þess að sem flestir sem hafa yfir súðbyrtum sjófærum trébátum að ráða, gömlum sem nýjum, komi og verði með í ferðinni.

Þess má geta, að Björn Samúelsson á Reykhólum verður einnig í ferðum milli lands og eyja alla helgina sem endranær á farþegabáti sínum (Eyjasigling).

 

Súðbyrðingarnir leggja úr höfn á Stað kl. 10 á laugardagsmorguninn. Siglt verður út flóann meðfram Skákaskeri og Leiðarskeri í lendingu í Skáleyjum. Þaðan verður farið út Langeyjarsund og Brandssund meðfram Látratöngum og Lyklaskeri út á Bæjarsund í lendingu í Hvallátrum. Farið verður þaðan út Bæjarsund, Lokaskerssund eða Leiðarsund meðfram Sprókseyjum og Klofningi í lendingu í Svefneyjum en þaðan verður farið út Flateyjarsund og Hafnarsund til Flateyjar. Þeir sem geta látið báta sína fjara þurfa að vera komnir í Grýluvog í Flatey milli kl. 9 og 10 um kvöldið en þar verða bátarnir geymdir um nóttina.

 

Um flæðina kl. 10 á sunnudagsmorgun þarf að taka bátana úr Grýluvogi. Farið verður af stað úr Flatey kl. 13 sem leið liggur um Eyjarendasund suður fyrir Svefneyjar í Sviðnur og farið þaðan um Sviðnasund meðfram Skutlaskerjum að Stað.

 

Á útleiðinni á laugardag verður dvalið á hverjum stað í einn eða tvo klukkutíma, nema í Flatey þar sem gist verður. Rétt er að taka fram að sjávarföll ráða meira um ferðatilhögun en klukkan. Auk þess skal á það minnt, í ljósi upphafsorðanna í þessari frétt, að veðurhorfur hérlendis geta tekið nokkrum breytingum á skömmum tíma.

 

Sjá einnig:

08.06.2008  Lentu í sjónum í reynslusiglingunni

06.06.2008  Bátasafn Breiðafjarðar leitar eftir liðsauka

 

Vefur Bátasafns Breiðafjarðar á Reykhólum

 

Skrifa­u athugasemd:


Atbur­adagatal

« Desember 2020 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31