Tenglar

■ri­judagur 31. ßg˙stá2010 |

Um 400 manns sˇttu vi­bur­i laugardagsins

Byggðarhátíðin Reykhóladagar um síðustu helgi var sú viðamesta til þessa enda stóð hún ekki aðeins einn dag eins og verið hefur heldur spannaði frá föstudagskvöldi og fram á sunnudag. Ásta Sjöfn Kristjánsdóttir „einkaritari“ Bjarkar Stefánsdóttur formanns undirbúningsnefndar hefur tekið saman nokkra punkta um viðburði, aðsókn og úrslit í keppnisgreinum.

 

Hátíðin hófst með því að um fimmtíu manns mættu í grillpartí í Hvanngarðabrekkunni á Reykhólum. Síðan var hin hefðbundna spurningakeppni þar sem spyrillinn Egill Sigurgeirsson fór á kostum. Dómari var Gauti Eiríksson og aðstoðarmaður sr. Elína Hrund Kristjánsdóttir. Átta lið kepptu, þ.e. Sveitarstjórn, Snillingarnir, Sambýlingarnir, Reykhólaskóli, Hríshólsfeðgar, Gullsteinn, Karlsey og Ripp, Rapp og Rupp, sigurvegararnir í fyrra. Til úrslita kepptu Snillingarnir (Guðmundur Ólafsson, Dalli og Eiríkur Kristjánsson) og Sambýlingarnir (Hekla Karen, Olga Þórunn og Dagur). Svo fór að Sambýlingarnir sigruðu 17-10.

 

Á laugardagsmorgun var gengið inn að Laugalandi við Þorskafjörð en fáir tóku þátt í göngunni. Gönguferðinni sem var undir leiðsögn Björns Samúelssonar lauk með því að hlustað var á 78 snúninga hljómplötur í húsinu á Laugalandi.

 

Vel var mætt í súpu á ýmsum stöðum í hádeginu og sums staðar fram eftir degi. Steinar í Álftalandi taldi að hann hefði tekið á móti um 200 manns í súpu yfir daginn.

 

Hægt var að finna ýmiskonar varning og matvöru í markaðstjöldunum á Reykhólum, svo sem rauðmaga, ábrestir og handverk af mörgu tagi.

 

Hrefna Karlsdóttir á Kambi og Helena Ýr Harðardóttir á Tindum voru með myndlistarsýningu í Reykhólaskóla.

 

Guðmundur Hallgrímsson stjórnaði dráttarvélakeppninni af stakri snilld. Þar stóð Hörður Grímsson á Tindum uppi sem sigurvegari.

 

Í pabbakeppninni þurftu núverandi og tilvonandi feður að leysa ýmis verkefni, svo sem að skipta um bleyju, greiða hár, pakka inn afmælisgjöf og smyrja samloku. Egill Sigurgeirsson lenti í þriðja sæti, Ásbjörn sonur hans í öðru sæti og reynsluboltinn Hugó Rasmus í því fyrsta, enda þriggja barna faðir og afi.

 

Ungir sem aldnir prófuðu sig í þörungahlaupinu þar sem hlaupið var á blautum þara. Sigurvegarar voru Matthías Óli og Dagur.

 

Talið er að um 400 manns hafi komið á viðburði laugardagsins. Það verður að teljast nokkuð gott því að íbúar Reykhólahrepps eru innan við 300 talsins.

 

Á kvöldverðinum í íþróttahúsinu á Reykhólum voru um 260 manns. Bjarkalundur sá um matinn en félagar í Lionsklúbbnum önnuðust framreiðsluna og stóðu sig vel. Veislustjóri var Sólmundur Hólm. Leikfélagið Skrugga sýndi hversu hæfileikaríkar og fallegar konur við eigum. Hrefna Jónsdóttir og Kristján Gauti Karlsson spiluðu á gítar og sungu. Hljómsveitin Skógarpúkarnir lék síðan fyrir dansi.

 

Á sunnudaginn buðu Erla og Jens í Mýrartungu heim, þar sem gestum gafst kostur á að skoða fjósið. Handverksfélagið Assa var með opið í Króksfjarðarnesi, þar sem borðin svignuðu af hnallþórum handa gestunum. Einnig notfærði fólk sér að skola sig eftir helgina í sundlauginni í Djúpadal.

 

Undirbúningsnefnd Reykhóladaganna vill nota tækifærið og þakka félagasamtökunum sem komu að hátíðinni kærlega fyrir alla hjálpina og fyrir að sinna svona óeigingjörnu starfi. Íbúum Reykhólahrepps er jafnframt þakkað fyrir að gera allt sem í þeirra valdi stóð til þess að skreyta í kringum sig. Án íbúanna er ekki hægt að halda svona hátíð. Ekki má gleyma að minnast á veðurguðina sem ákváðu að vera hliðhollir, létu sólin skína og gáfu Kára frí.

 

Athugasemdir

Kolfinna Ţr, ■ri­judagur 31 ßg˙st kl: 21:59

FrßbŠr dagskrß og skemmtilegur dagur. MÚr fannst lÝka svo gaman a­ sjß hva­ unga fˇlki­ var duglegt a­ taka ■ßtt.

Ingi B Jˇnasson, mi­vikudagur 01 september kl: 10:54

FrßbŠrt lamb hjß Steinari Ý ┴lftalandi og virkilega gˇ­ar s˙pur hjß betri helmingi Jˇnasar, endilega haldi­ ßfram me­ svona daga nŠsta ßr ! til hamingju ÷ll sem a­ ■essu stˇ­u .

MarÝa Jßtvar­ardˇttir, mi­vikudagur 01 september kl: 15:01

Ůakka fyrir mig. ╔g haf­i sÚrstaklega gaman af a­ koma og taka ■ßtt Ý dagskrßnni. Einstakt var a­ fß a­ hlusta ß dŠgurlag af 78 sn˙ninga pl÷tu af grammˇfˇni hjß Gu­mundi ß Laugalandi. Au­vita­ er Úg afar stolt af eiginmanninum a­ vinna pabbakeppnina og finnst rÚtt a­ bŠta ■vÝ vi­ a­ Úg ß mynd af honum ■ar sem hann ˇk Hrefnu dˇttur okkar Ý barnavagni sumari­ 1979. ╔g hef velt ■vÝ fyrir mÚr hvort ■a­ sÚu til eldri myndir ß Reykhˇlum af fe­rum sem aka barnavagni en ■a­ var fremur fßsÚ­ ß ■eim ßrum.
Hlakka til a­ koma nŠsta ßr,
MarÝa Jßtvar­ardˇttir.

Skrifa­u athugasemd:


Atbur­adagatal

« Nˇvember 2020 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30